جمهوررئیس غنی تاجکستانلیک کسبداشی بیلن اوچره شدی

افغانستان جمهوررئیسی محمد اشرف غنی, قیرغزستان پایتختی بیشکیک ده گی شانگهای همکارلیک تشکیلاتی اعضاسی اولکه لرنینگ اون توقّیزینچی رهبر لر ییغیلیشی دایره سیده تاجکستان جمهوررئیسی امامعلی رحمان بیلن اوچره شدی. 

اوشبو اوچره شوو جریانیده تامان لر ایککی اولکه اورته سیده گی مناسبت لر و تاجکستان بیلن افغانستان اورته سیده تروریزم, افراطی لیک و مخدره مواد قاچاقچیلیگی گه قرشی کوره ش بوییچه همکارلیک لر باره سیده سوز یوریتدی. 

اوشبو رهبر لر ییغیلیشی گه افغانستان, اوزبیکستان, تاجکستان, روسیه, چین, قزاقستان, هندوستان و پاکستان داخل 11 اولکه نینگ رهبری اشتراک قیلدی. 

شانگهای همکارلیک تشکیلاتی سیاسی, اقتصادی و امنیتی مسئله لر بوییچه دولت لر اورته سیده گی همکارلیک اوچون قوریلگن بیر تشکیلات دن عبارت. 

اوزبیکستان, تاجکستان, روسیه, چین, قزاقستان, هندوستان, قیرغزستان و پاکستان اصلی اعضالر دن عبارت ایکن, افغانستان, مغلستان, ایران و بلاروس ایسه اوشبو تشکیلات نینگ ناظر اعضا لری نی تشکیل ایتماقده.