ایردوغان بیلن مودی تیلفون آرقه لی صحبت عملگه آشیردی

پاکستان - هندوستان موضوعینی کوریشیب چیقدیلر

ایردوغان بیلن مودی تیلفون آرقه لی صحبت عملگه آشیردی

پاکستان بیلن هندوستان اورته سیده گی بحراننی برقرارلشتیریش اوچون جمهور باشلیغی رجب طیب ایردوغان هندوستان یاش وزیری نارندرا مودی بیلن تیلفون آرقه لی گپیردی.

جمهور رئیس لیک علاقه (ارتباط) ریاستی تامانیدن بیریلگن بیاناتده، مذکور اوچره شووده اوز ارا مناسبت قاله ویرسه پاکستان – هندوستان اورته سیده حدودده یوز بیرگن حادثه لر مطرح بولگن.

جمهور باشلیغی ایردوغان 28 فبروریده پاکستان باش وزیری عمران خان و 8 – مارچده ده بیرلشگن ملتلر تشکیلاتی عمومی منشیسی انتونیئو گوترز بیلن هندوستان – پاکستان حدودیده یوز بیرگن حادثه لر بیلن تیگیشلی تیلفون ارقه لی کوریشگن ایدی.

هندوستان – پاکستان اورته سیده گی سونگی بحران، کشمیرنینگ هندوستان اداره سیده گی منطقه ده 14 - فبروری کونی پولیس تشکیلاتی گه قره ته اویوشتیریلگن و 44 کیشی اولگن هجوم بیلن باشلندی.

ینگی دهلی اداره سی، خوددی شو هجوم بیلن تیگیشلی اوله راق پاکستاننی عیبله دی. بو هجومنی قاره له گن پاکستان ایسه عیبلاونی رد ایتیب قبول قیلمه دی.

هندوستان، 26 - فبروریده کشمیر کمربندی نینگ پاکستان تامانیده جایلشگن ترورچیلرنینگ ادرسلریگه هوایی هجوم اویوشتیرگن گنینی بیلدیردی.

پاکستان هم هوا ساحه سی گه تجاوز قیلگن لیگی باعث هندوستان نینگ ایککی حربی اوچاغینی اوریب توشیردی. اونینگ ارتیدن قولگه آلگن هندوستانلیک پیلوتنی قوییب یوباردی.



علاقه لی ینگی لیکلر