اورته آسیا اولکه لریده شینگن ویزه سی گه اوخشش بیر ویزه سیستمی باشله ماقده

اوزبیکستان بیلن قزاقستان, فبروری آییدن باشلب اوروپا نینگ مشترک ویزه سیدن عبارت بولگن "شینگن" گه اوخشیدیگن "ایپک ویزه" سی سیستمی نی باشله ته دی. 

اوزبیکستان دولت توریزم کمیته سی باشلیغی نینگ اورینباسری اولوغ بیک قاسم خواجه یف, شینگن ویزه سی گه اوخشیدیگن اوشبو ویزه سیستمی نی فبروری آییدن باشلب تطبیق قیلیش نی ریجه لیاتگن لیک لری نی بیلدیردی.

اوشبو سیستم بوییچه اساسی مقصد نینگ اورته آسیا گه توریست لرنینگ کیلیشی نینگ تشویق قیلینیشی دن عبارت ایکن لیگی نی بیلدیرگن قاسم خواجه یف, خوددی شوو سیستم نینگ تطبیق قیلینیشی توغریسیده اوزبیکستان بیلن قزاقستان نینگ اوز ارا کیلیشیب آلگن لیگی نی معلوم قیلدی. 

قاسم خواجه یف, اوشبو ویزه سیستمی گه قیرغزستان و تاجکستان نینگ هم قیزیقیاتگن لیگی نی ایسله تیب اوتدی. 

عینی دمده قاسم خواجه یف, قزاقستان نینگ اوشبو سیستم گه تورکیه بیلن آذربایجان نی هم کیریتیش نی ریجه لیاتگن لیگی نی بیلدیردی.