ایران جمهوررئیسی روحانی انقره گه تشریف بویوردی

ایران جمهوررئیسی حسن روحانی توناوکون کیچقرون رسمی بیر سفر بیلن تورکیه جمهوریتی پایتختی انقره گه تشریف بویوردی. 

روحانی نی, قونلغه ده انرژی و طبیعی منبع لر وزیری فاتح دونماز بیلن باشقه مسئول لر کوتیب آلدی. 

بوگون (پنچشنبه) انقره ده تورکیه جمهوریتی جمهوررئیسی رجب طیب اردوغان و ایرانلیک تینگداشی حسن روحانی باشچیلیگیده تورکیه- ایران همکارلیک کینگشی بیشینچی ییغیلیشی بولیب اوته دی.

وزیر لرنینگ اشتراکی بیلن بولیب اوته دیگن کینگش ییغیلیش دایره سیده تورکیه بیلن ایران اورته سیده گی همکارلیک لر باره سیده بحث قیلینه دی. 

ییغیلیش دایره سیده, ایککی تامانلمه مناسبت لر دن تشقری, منطقه و خلق ارا مقیاسده گی ینگی لر باره سیده هم فکر المه شیله دی. 

روحانی انقره گه تشریف بویورمسدن آلدین مهرآباد قونلغه سیده بیرگن بیانات لریده, "دوست, قوشنی و منطقه ده موثر اولکه دن عبارت تورکیه نینگ بیز نینگ جهتی میزدن اوزی گه خاص بیر اهمیتی بار" دییه قید ایتگن ایدی. 

روحانی اوز سوز لری نی, "تورکیه بیلن کوپلب تاریخی, فرهنگی و دینی اورتاق تامان لری میز بار.  تورکیه و جمهوررئیسی رجب طیب اردوغان نینگ سونگگی آی لرده امریکا قوشمه ایالتلری نینگ تحریم پلان لری گه قرشی ایران خصوصیده گی سیاست لری جوده یخشی سیاست دن عبارت بولدی" شکلیده دوام ایتتیردی.