ایران یمن موضوعسی بوییچه قول قوییلگن کیلیشوونی قولب – قوتله یدی

ایران تشقی ایشلر وزیری محمد جواد ظریف، سویس ده آلیب باریلگن یمن موضوعسی بوییچه مصلحت اوچره شوو لریده اسیر و محکوم المه شووی بیلن تیگیشلی قول قوییلگن کیلیشوونی قولب – قوتله گن لیکلرینی بیلدیردی.

ظریف، اجتماعی میدیا ترماغی تویتر آرقه لی بیرگن بیاناتده،

"ایران، یمن لیک لرنینگ استکهلم ده ملتلر نماینده سی (Martin Griffiths) نینگ نظارتیده باریلگن ابتدائی کیلیشوونی ممنونیت بیلن کوتیب آله میز" دیب افاده ایتگن.

"خارجی هجومچیلرنینگ هوائی هجوملرینی و بشریت گه قرشی قول اورگن جرملرنی نهائی قیلیشنی وقتی ییتیب کیلگن" دیب بیان ایتگن.

یمنده حوثی لر بیلن سعودی عربستان باشقروویده گی ائتلاف کوچلری تامانیدن حمایه بولیب تورگن حکومت کوچلری اورته سیده 3 ییلن آرتیق مدتدن بیری یوز بیریب تورگن توقنه شوولرده مینگلب کیشی حیاتینی یوقه تدی.

انچه ساحه ده بشری بحران یوز بیریب تورگن مملکتده، تمیز سوونینگ بولمه ییشی، ییترلی کم آزیقله نیش، دارو و طبی تجهیزلرده گی کم چیلیک کبی سببلر وبا قاله ویرسه یوقه دیگن کسل لیکلر کون اوتیب آرتیب بارماقده دیر.

مملکتده گی ایچکی اورشنی نهائی قیلیش اوچون بیرلشگن ملتلر تشکیلاتی نینگ باشچیلیگیده مصلحت اوچره شوو لری، 6 دسامبرده سویدن نینگ پایتختی استکهلم ده باشلنگن ایدی.  

یمن حکومتی بیلن حوثی لر قتنشگن بیرلشگن ملتلر تشکیلاتی خاص نماینده سی Griffiths  تامانیدن آلیب باریلگن اوچره شوولرده، اسیر و محکوملرنینگ آزاد ایتیلیشلری، حدیده ده گی توقنه شوولر، مرکز بانکی نینگ وضعیتی تعزنینگ محاصره سی، انسانی یاردملرنینگ ییتکیزیب بیریلیشی و صنعا قونلغه سی نینگ وضعیتی کبی تامانلر اورته سیده گی معمالر مطرح بولماقده دیر.

اوچره شوولر دوام ایترکن، بوگون ایککی تاماندن 15 مینگ کیشی اطرافیده اسیر و محکوم المه شووی اوچون اسم رویخطی بیریلگن لیگی بیلدیریلگن ایدی.

مصلحت اوچره شوولری نینگ ایرته گچه دوام ایتیشی کوتیلماقده دیر.