جواد ظریف خودکش هجومی بیلن تیگیشلی بیانات ترقه تدی

ایران تشقی ایشلر وزیری محمد جواد ظریف، چابهارده گی خودکش هجوم نینگ خارجیلر حمایه قیلگن ترورچیلر تامانیدن اویوشتیریلگن لیگینی و بونینگ بی جزا قالمس لیگینی بیلدیردی.

ظریف اجتماعی میدیا ترماغی تویتر آدرسی آرقه لی بیانات ترقه تدی.

"خارجی لر حمایه قیلگن ترورچیلر چابهارده معصوم انسانلرنی اولدیریب یره له دی. اوتمیشده بولگنیدیک بو جرم جزاسیز قالمه یدی" دیب ایتدی.

منطقه ده فعالیت قیلیب تورگن جندالله آتیده گی گروه نینگ رهبری عبدالملیک ریگی نینگ 2010 – ییلی بیرلشگن عرب امیرلیکلریدن قیتیب کیلگونچه ایران استخباراتی تامانیدن قولگه آلیب اعدام قیلینگن لیگی گه تماس قیلگن ظریف؛

"افراطی طرفدارلری 2010 – ییلی خوفسیزلیک سرویسیمیز تامانیدن بیرلشگن عرب امیرلیکلریدن قیتیب کیلگونچه اوشلب آلیندی. بیر جایگه یازیب قویینگ: ایران تروریستلرنی و افندی لرینی عدالت قاشی گه چیقره دی" دیدی.

ظریف نینگ بیاناتیده گی بیرلشگن عرب امیرلیکلریگه تماس قیلیشی دقت ترتدی.

ایران، 22 سپتامبرده مملکت نینگ جنوب- غربیده جایلشگن اهواز شهریده گی عسکری مراسم گه اویوشتیریلگن و 25 کیشی جان بیرگن ترورچیلیک هجومی نینگ آرتیدن هم سعودی عربستان و بیرلشگن عرب امیرلیکلرینی هجوم نینگ ارقه سیده ایکن لیکلری بیلن عیبله گن ایدی.

ایران نینگ جنوب – شرق تامانیده جایلشگن چابهار شهریده توناون کونی امنیه قومندان لیگی گه قره ته اویوشتیریلگن خودکش هجومده 2 کیشی خوفسیزلیک منسوبی اولگن ایدی ایچلریده تینچ اهالی هم بولگن 27 کیشی یره لنگن ایدی.

مذکور هجوم نینگ بمب اورنه تیلگن کیچیک کامیون آرقه لی اویوشتیریلگن لیگی بیلدیریلدی.

هجومنی سیستان و بلوچستان ایالتیده خوفسیزلیک کوچلریگه قره ته هجوملر اویوشتیریب تورگن "انصارلفرقان" آتیده گی گروه نینگ اوز بوینی گه آلگن لیگی ادعا ایتیلماقده. ایران انقلابی محافظلر اردوسی زمینی کوچلر قومندانی محمد پاک پور حادثه جاییگه بارگنده بیرگن اوز بیاناتیده "اوشبو هجومنی حلی گچه هیچ بیر گروه ویا شخص اوز بوینی گه آلمه گن" دیب ایتدی.