امریکا: پاکستان افغانستانده تینچلیک پروسه سی بوییچه همکارلیک قیلسین
اوشبو مطلب نی امریکا مدافعه وزیری جیمز متیس بیلدیردی
امریکا قوشمه ایالتلری مدافعه وزیری جیمز متیس, توناوکون (دوشنبه) بیرگن بیاناتلریده, پاکستان نینگ افغانستانده طالبان بیلن مصالحه پروسه سی بوییچه عملی همکارلیک قیلیشی کیره ک ایکن لیگی نی معلوم قیلدی.
عینی دمده توناوکون امریکا قوشمه ایالت لری دولت رهبری دونالد ترامپ هم پاکستان باش وزیری عمران خان گه یوبارگن مکتوبیده افغانستانده تینچلیک نینگ اورنه تیلیشی بوییچه زمینه یره تیشی تقدیرده عمران خان بیلن همکارلیک قیله دیگن لیگی نی بیلدیرگن ایدی.
ایریم تحلیلچی لر ایسه امریکا قوشمه ایالتلری نینگ اوشبو سیاست لری نینگ پاکستان نینگ افغانستان مسئله سی گه دخیل ایکن لیگی نی کورسه تیاتگن لیگی نی معلوم قیلماقده.
انگلستان نشراتی اورگانلری تامانیدن بیریلگن خبر لر گه کوره, طالبان گروهی نینگ 7 کیشی لیک بیر هیئتی جاری هفته ده امریکالیک مسئول لر بیلن اوچره شیش اوچون پاکستان گه سفر قیلگن.
عینی دمده امریکا قوشمه ایالتلری نینگ افغانستانده تینچلیک نینگ اورنه تیلیشی بوییچه خاص نماینده سی زلمی خلیلزاد نینگ هم پاکستان گه سفر قیلگن لیگی بیلدیریلماقده.
