تاجکستانده انترنت آرقه لی لایک قیلگن کیشی اون ییل قماققه محکوم قیلیندی

تاجکستان وطنداشی بیر کیشی اوشبو اولکه نینگ حکومتی تامانیدن فعالیت لری ممنوع قیلینگن تاجکستان اسلام اویغانیش حزبی نینگ ییتکچیسی نینگ صحبت لریگه انترنت آرقه لی لایک باسگن لیگی سببلی 10 ییل قماققه محکوم قیلیندی.

تاجکستان نینگ ختلان ولایتی وخش اولسواللیگی یشاووچی سی علی جان شریپوف اجتماعی ترماقلرده حکومت تامانیدن ممنوع قیلیب قویلگن تاجکستان اسلام اویغانیش حزبی ییتکچیسی محی الدین کبیری و اولکه نینگ سابق مدافعه وزیری عبدالحلیم نظرزاده نینگ صحبت لریدن عبارت ویدیو لر گه انترنت آرقه لی لایک باسدی.

خوددی منه شوو قیلگن ایشی سببلی اوشبو تاجکستان وطنداشی 10 ییل قماققه محکوم قیلیندی. 

او میلادی 2018 نچی ییلی جنوری آیی نینگ 3 نچی کونیده اوزی توغیلگن وخش اولسواللیگی مهر آباد قشلاغیده اوشلنگن ایدی. 

شریپوف, کبیری و نظرزاده نینگ ویدیو لرینی انترنت آرقه لی تعقیب ایتیاتگن لیگی نی بیلدیررایکن, اوشبو وضعیت نینگ قانونی ایمس لیگی نی بیلمه گن لیگی نی معلوم قیلدی.