ایرانده بیر عسکر کتته بیر منصبدار نی آتیب اولدیردی
اوشبو حادثه عاقبتیده 8 عسکر نینگ هم یره لنگن لیگی بیلدیریلدی
784775
ایران پایتختی تهرانده, هوا کوچ لری قوماندان لیگی گه باغلیق تعلیم میدانیده, بیر عسکر نینگ اوق اوزیشی عاقبتیده بیر مینگباشی (جگرن) جان بیردی.
عینی دمده خودی منه شوو حادثه عاقبتیده ینه اوچ حربی نینگ جان بیرگن لیگی و 8 حربی نینگ ایسه یره لنگن لیک لری قید ایتیلدی.
ایران اردوسی گه عاید انترنت سایتی AJA هم کهریزک تعلیم میدانیده یوز بیرگن اوشبو حادثه نی تائید ایتدی.
اوشبو عسکر نینگ روحی ساغلیغی نینگ یخشی ایمس لیگی یاکه سلاحی نینگ کنترول دن چیقیب کیتگن بولیشی حقیده بحث ایتیلماقده.
عینی دمده مهر خبر آژانسی بیلن مصاحبه قیلگن کهریزک اولسواللیگی کینگشی نینگ باشلیغی محمد هاشمی ایسه, حادثه نینگ سیستان-بلوچستان لیک عسکر نینگ قوراللی هجومی دن عبارت ایکن لیگی نی بیلدیررایکن, خودی منه شوو حادثه عاقبتیده بیر مینگباشی نینگ جان بیرگن لیگی نی معلوم قیلدی.
