نواز شریف: یمن جمهور رییسی هادی اقتدارنی قولگه کیریتیشی کیره ک

نواز شریف: یمن جمهور رییسی هادی اقتدارنی قولگه کیریتیشی کیره ک
نواز شریف باشکینت اسلام آبادده ملکی و عسکری اداره چی لر بیلن بیر جلسه اویوشتیردی.
پاکستان باش وزیری نواز شریف یمن جمهور رییسی منصور هادی نینگ قیته دن اوز وظیفه سیگه باشله شی یمن ده گی معما نینگ حل بولیشی اوچون اینگ مهم آدیم بوله دی، دیدی. باش وزیر نواز شریف پارلمان نینگ یمن اولکه سیگه عسکر یوباریلیشی توغریسیده "طرفسیز" قالیش تصمیمی آلگن لیگی نی ایسله تیب اوتگن لیگی معلوم قیلیندی. شریف جنابلری اوشبو تصمیم نی خلیج اولکه لری نینگ ینگلیش انگه گن لیکلرینی ادعا ایتگن ایکن، پاکستان عرب ایناغه لرینی ترک ایتمه گن، هر پیت ده اولرنینگ یانیده توره میز، دیگن لیگی معلوم قیلیندی.
نواز شریف، ایران تشقی ایشلر وزیری جواد ظریف نینگ یمن ده گی حوثی لرنی مذاکره گه کیلتیریش اوچون بار کوچی بیلن حرکت ایتیشی نی سوره گن دیر. یمن ده گی مشروع حکومتنی برطرف ایتگن حوثی لر و بشقه گروه لر نی محکوم ایتگن نواز شریف، هادی حکومتی نینگ قیته دن اقتدارنی قولگه کیریتیشی معمالرنی برطرف ایترلیگی نی اورغوله گن لیگی بیلدیریلدی.