مارچ آییده تورکیه نینگ صادراتی 23 میلیارد 595 میلیون دالر گه ییتدی

اوتگن ییل نینگ خوددی شوو دوری بیلن سالیشتیریلگنده تورکیه نینگ میلادی 2023- ییل مارچ آیی صادراتی 4,4 فایز گه آشیب 23 میلیارد 595 میلیون دالر گه و وارداتی ایسه 3,4 فایز گه آشیب 31 میلیارد 936 میلیون دالر گه ییتدی. 

تورکیه احصائیه اداره سی و تجارت وزیرلیگی نینگ همکارلیگی بیلن تیارلنگن مارچ آیی اوتکینچی تشقی تجارت راپوری ترقه تیلدی. 

شونده ی قیلیب, عمومی تجارت سیستمی دایره سیده اوتگن ییل نینگ خوددی شوو دوری بیلن سالیشتیریلگنده تورکیه نینگ میلادی 2023- ییل مارچ آیی صادراتی 4,4 فایز گه آشیب 23 میلیارد 595 میلیون و وارداتی ایسه 3,4 فایز گه آشیب 31 میلیارد 936 میلیون دالر گه ییتدی.

اوتگن ییل نینگ خوددی شوو دوری بیلن سالیشتیریلگنده مارچ آییده تشقی تجارت کسری 0,9 فایز گه آشیب 8 میلیارد 341 میلیون دالر گه کوتریلیب کیتدی. 

میلادی 2022- ییل نینگ دستلبکی اوچ آیی بیلن سالیشتیریلگنده تورکیه نینگ جاری ییل بیرینچی ربعی ده گی صادرات میزانی 2,5 فایز گه آشیب 61 میلیارد 558 میلیون دالر گه کوتریلیب کیترایکن, واراتی ایسه 11,1 فایز گه آشیب 96 میلیارد 250 میلیون دالر گه ییتدی. 

تشقی تجارت کسری, جاری ییل نینگ بیرینچی ربعی ده 30,7 فایز گه آشیب 26 میلیارد 537 میلیون دالر گه کوتریلیب کیتدی.