تورکیه تقریباً اوچ میلیون دالرلیک قیزیل مرچ ساتدی

جاری ییل نینگ دستلبکی اوچ آییده تورکیه 68 اولکه گه 2 میلیون 877 مینگ دالرلیک قوریتیلیب تویلگن قیزیل مرچ ساتدی. 

جنوبشرقی انادولو صادراتچی لر بیرلیگی نینگ بیرگن معلوماتیگه کوره, 2 میلیون 527 مینگ دالر بولگن اوتگن ییل نینگ خوددی شوو دوری بیلن سالیشتیریلگنده جاری ییل جنوری- مارچ آیلریده قوریتیلیب تویلگن قیزیل مرچ صادراتی تقریباً 14 فایزگه آشیب اوشبو رقم 2 میلیون 877 مینگ دالر گه کوتریلیب کیتدی. 

جاری ییل نینگ دستلبکی اوچ آییده آلمان, هالند, سعودی عربستان, انگلستان, عراق, فرانسه, امریکا قوشمه ایالتلری, روسیه, بیرلشگن عرب امیرلیکلری, لیبیا, کانادا, چین خلق جمهوریتی, جاپان, بلغاریا, کیوبا و مراکش کبی اولکه لرنینگ آره سیده موجود 68 اولکه گه 1035 تن قوریتیلیب تویلگن قیزیل مرچ صادر قیلیندی. 

قوریتیلیب تویلگن قیزیل مرچ صادراتیده آلمان بیرینچی (435 مینگ دالر), هالند ایکّینچی (430 مینگ دالر) و سعودی عربستان ایسه اوچینچی (362 مینگ دالر) اوریننی ایگلله دی.