تورکیه جهان بویلب بیر بحران نینگ آلدی نی آلدی

تورکیه جمهوریتی جمهوررئیسلیک ارتباط لر باشقرمه سی نینگ باشلیغی فخرالدین آلتون, 22- جولای کونی تورکیه نینگ میزبانلیگی بیلن, اوکراین و روسیه اورته سیده امضالنگن کیلیشوو نتیجه سیده, خلق ارا مقیاسده غذایی مواد بوییچه بیر بحران نینگ آلدی نینگ آلینگن لیگی نی بیلدیردی. 

آلتون, اتریش نینگ APA خبر آژانسی نینگ سئوال لری گه جواب قیتردی. 

آلتون, تورکیه نینگ, 24- فبروری دن باشلب اوروشه باشله گن روسیه و اوکراین اورته سیده گی معما نی تینچلیک سیور یول لر آرقه لی ییچیش اوچون فعالیت یوریتیش گه تیار ایکن لیگی نی بیلدیردی. 

اوکراین دن غله نینگ قاره دینگیز آرقه لی دنیا بازار لری گه انتقال ایتتیریلیشی بوییچه ایسه آلتون, "حاضرگی کون گه قدر هیچ قنده ی بیر معما گه دوچ کیلمسدن ایشلیاتگن اوشبو میکانیزم, بیزنی ینه ده کینگراق تشبث لر قیلیش گه اونده ماقده" دییه قید ایتدی. 

خلق ارا ینگیلیک لرنینگ تورکیه بیلن اوروپا اتفاقی نی بیر بیر لری گه یقین لشتیریب قویگن لیگی نی بیلدیرگن آلتون, اوز سوز لری نی, "بونده ی بیر شرایطده تورکیه نینگ اوروپا اتفاقی اعضالیگی بوییچه مذاکره لر ینه اهمیت کسب ایتسه عجب ایمس" شکلیده دوام ایتتیردی. 

فخرالدین آلتون گه فنلاند و سویدن نینگ ناتو اعضالیگی حقیده هم سئوال بیریلدی. 

آلتون, اوشبو ایکّی دولت نینگ تورکیه نینگ خوفسیزلیک بوییچه خواطر لری حقیده صمیمی بیر سیاست گه ایگه بوله دیگن لیگی یاکه بولمه یدیگن لیگی نی کوزه تیش نی ایسته یاتگن لیک لری نی بیلدیردی.