روسیه ده نفت نی قیته ایشلش فابریکه سیده یانغین یوز بیردی

روسیه نینگ تومن شهریده گی انتیپینسکی نفت نی قیته ایشلش فابریکه سیده بوگون ایرته لب انیقلنمه گن بیر سبب بیلن یانغین یوز بیردی. 

یانغین آرتیدن فابریکه ده گی تقریباً 200 کیشی چیقاریلدی. 

روسیه عاجل وضعیت لر وزیرلیگی گه باغلیق 86 پرسونل بیلن 30 گه یقین یانغین اوچیریش واسطه سی, فابریکه گه یوباریلدی. 

اطفائیه نینگ 2 ساعت لیک سعی و حرکتی نتیجه سیده یانغین اوچیریلدی. 

تومن والی سی, فابریکه ده گی تانکر نینگ بوش ایکن لیگی سببلی احتمالی بیر فاجعه نینگ یوز بیرمه گن لیگی نی معلوم قیلدی.

روسیه نینگ اینگ کتته خصوصی فابریکه سی بولگن انتیپینسکی نفت نی قیته ایشلش کارخانه سی ییلده 7 یریم میلیون تن پطرول ایشلب چیقاریش ظرفیتی گه ایگه ایکن, پطرول قوور لری گه ییلده 2,3 میلیون تن پطرول پمپله ماقده.

میلادی 2016- ییلده فوربیس انتیپینسکی نفت نی قیته ایشلش فابریکه سی نینگ روسیه ده گی اینگ کوچلی 200 شرکت آره سیده 43- اورین گه ایگه ایکن لیگی نی بیلدیرگن ایدی.