طالبان باشقرووی افغانستانده خارجی پول (اسعار) نی منع قیلیب قویدی

طالبان باشقرووی اقتصادی بحرانده بولگن افغانستانده خارجی پول (اسعار) نی منع قیلیب قویدی.

طالبان باشقرووی سوزچیسی اورینباسری بلال کریمی، مطبوعاتگه بیرگن بیاناتده اولکه ده گی اقتصادی وضعیت و ملی منفعت نی کوزگه آلگنده هرکیمدن برچه ایشلریده افغانستان پولیدن ایش آلیشینی طلب ایتگن لیکلرینی ایتدی.

کسبه کار، تجار و خلقدن تجارتده خارجی پوللردن ایش آلمسلیکلرینی طلب ایتگن لیکلرینی افاده ایتدی. کریمی خارجی پول نینگ اولکه اقتصادیگه سلبی تاثیر تشله گن لیگینی و خلققه زیان ییتکیزگن لیگینی اورغوله دی.

کریمی بو قرارنی رعایت قیلمه گنلرگه قانونی مجازات بولیشینی قید ایتدی.

افغانستان مرکز بانکی 15 سپتامبرده برچه وطنداشلرنینگ افغانی پولدن ایش آلیشلری بوییچه چیقریق قیلگندی.

طالبان نینگ پایتخت کابل نینگ کنترولینی قولگه کیریتیب آلیشی نینگ آرتیدن ایککی هفته گچه یاپیق بولگن بانکلر خلق نینگ نقده احتیاجی گه جواب بیرالمه ی تورگن.

پول کمچیلیگی باعث خلق بانکلرنینگ ایشیگیده اوزون اوزون قطار بولیب توریش گه دوام ایتماقده.

شونده ی بولیب بانکلر پول کمچیلیگی باعث وطنداشلرگه فقط 20 مینگ افغانی بیره آله دی.

جهان بانکی، خلق ارا پول فندی (IMF) و امریکا قوشمه ایالتلری مرکز بانکی افغانستان نینگ خلق ارا فندلرگه علاقه قوریش نی توخته تیب قویگندی.

امریکا قوشمه ایالتلری باشقرووی، افغانستان حکومتی نینگ امریکا بانکلریده گی ذخیرده لرینی موزلتیب قویگندی.