اوکراین: اینگ کوپ تورکیه بیلن تجارت قیلماقده میز

اوکراین اقتصاد وزیری نینگ اورینباسری تاراس کاچکا, تورکیه بیلن کینگ کولملی ایرکین تجارت کیلیشووی بوییچه فعالیت لرنینگ نتیجه بیریشی نی خواهلیاتگن لیک لری نی معلوم قیلدی. 

اوکراین اقتصاد وزیرلیگی, انترنت آرقه لی, "اوکراین- تورکیه: همکارلیک اوچون ینگی فرصت لر" عنوانی گه ایگه بیر ییغیلیش اوتکزدی. 

اوشبو ییغیلیشده معروضه قیلگن اوکراین اقتصاد وزیری نینگ اورینباسری تاراس کاچکا, کووید 19 معما سی گه قره مسدن تورکیه بیلن اوکراین نینگ ایشانرلی تجارت همکارلیگی نینگ دوام ایتیاتگن لیگی نی معلوم قیلدی. 

اوتگن ییلده اوکراین نینگ اینگ کوپ تجارت قیلگن اولکه لر قطاری ده تورکیه نینگ اورین آلگن لیگی نی معلوم قیلگن کاچکا, "بیراق, حاضرگی کونده هم ایککی اولکه اورته سیده گی ظرفیت دن استفاده قیله آلگن ایمس میز.  اوکراین, ایککی اولکه اورته سیده کینگ کولملی ایرکین تجارت کیلیشووی نینگ نتیجه بیریشی نی کوتماقده" دییه قید ایتدی. 

تورکیه بیلن اوکراین اورته سیده زراعت, کمپیوتر پروگرام لری, انرژی, ترانسپورت و توریزم کبی ساحه لر بوییچه تجارت توغریسیده بحث ایتیلگن ییغیلیشده, اوتگن ییل نینگ خوددی شوو دوری بیلن سالشتیریلگنده جاری ییل نینگ دستلبکی 6 آیی ده ایککی اولکه اورته سیده گی تجارت حجمی نینگ 1,7 فایز گه آرتیب 2,27 میلیارد دالر گه ییتگن لیگی بیلدیریلدی.