ایران گه قرشی تحریم لر کوچیتیریله دی

امریکا قوشمه ایالت لری دولت رهبری دونالد ترامپ, "ایران گه قرشی تحریم لر تیزده کوچیتیریله دی!" دییه قید ایتدی.

ترامپ تویتر آرقه لی بیرگن بیاناتیده, ایران نینگ اوزاق مدت دن بیری یاشیرینچ روشده یورانیم باییتیش فعالیت لری نی دوام ایتتیریاتگن لیگی نی بیلدیررایکن, اوشبو وضعیت نینگ, سابق دولت رهبری باراک اوباما رهبریتی بیلن ایران اورته سیده امضالنگن 150 میلیارد دالرلیک "قورقینچلی" کیلیشوو نینگ بوتونلی اخلال ایتیلگن لیگی نی کورسه تیاتگن لیگی نی معلوم قیلدی. 

ترامپ, اوشبو کیلیشوو نینگ قیسقه بیر مدت مابینیده اوز اهمیتی نی قولدن بیریب قویگن لیگی نی معلوم قیلرایکن, " ایران گه قرشی تحریم لر تیزده کوچیتیریله دی!" دییه قید ایتدی.

امریکا قوشمه ایالتلری رهبریتی, بیرلشگن ملت لر تشکیلاتی خوفسیزلیک کینگشی نینگ 5 دایمی اعضاسی و آلمان بیلن ایران اورته سیده 2015- ییلده امضالنگن هسته ای کیلیشوو دن 2018- ییل می آییده بیر تامانلمه اوله راق چیکیلیشی آرتیدن تهران گه قرشی تحریم تطبیق قیله باشله گن ایدی. 

اوشبو دایره ده, تهران رهبریتی هم, قیسقه بیر مدت آلدین کیلیشوو ده معلوم قیلینگن یورانیم باییتیش میزانی نی آرتیرگن لیگی نی بیلدیرگن ایدی. 

امریکا بیلن ایران اورته سیده اوشبو بحران دوام ایترایکن, اینگ سونگ ایران رهبریتی, هسته ای کیلیشوو ده اورین آلگن باییتیلگن یورانیم ذخیره سی حدی نی آشه دیگن لیگی نی بیلدیررایکن, امریکا قوشمه ایالت لری ایسه تهران رهبریتی نینگ اوشبو تصمیمی گه قتتیق عکس العمل کورستگن ایدی.