آلمان نینگ فولکس واگن شرکتی مینگلب کیشی نی ایشدن هیده یدی

اینگ کتته موتر شرکت لریدن بیری بولگن فولکس واگن, 2023 – ییل گه قدر 5000 الی 7000 کیشی نینگ ایشدن هیده له دیگن لیگی نی معلوم قیلدی. 

برقی موتر بازاریده اوزی گه خاص بیر اورین گه ایگه بولیش نی آرزو قیلیاتگن مذکور شرکت, اوشبو دایره ده سرمایه گذارلیک لر قیلینه دیگن لیگی و ینگی ایشلب چیقاریش سیستمیده آز پرسونل گه ضرورت بوله دیگن لیگی نی بیلدیردی. 

شرکت تامانیدن بیریلگن بیاناتده, تقاعد قیله دیگن پرسونل اورنیگه باشقه کیشی لرنینگ آلینمیدیگن لیگی هم بیلدیریلدی. 

برقی موتر تولیدی گه کتته اهمیت بیریاتگن آلمان نینگ اوشبو شرکتی, 10 ییل مابینیده 22 میلیون موتر ایشلب چیقاره دی. 

اوشبو شرکت نینگ تولیداتی نینگ معلوم بیر قسمی نی تورکیه ده قیلیشی نینگ ممکن ایکن لیگی بیلدیریلدی.