قطر بیلن اروپا بیرلیگی اورته سیده هواچیلیک ساحه سیده کیلیشیب آلیندی

اروپا بیرلیگی بیلن قطر اورته سیده کینگ – کولملی هواچیلیک ساحه سی بوییچه کیلیشیب آلیندی. اروپا بیرلیگی کینگشی، قطر بیلن 2016 – ییلیدن بیری مذاکره آلیب باریلگن کینگ – کولملی هواچیلیک بوییچه کیلیشیب آلینگن لیگینی بیلدیردی.

شونده ی بولیب، قطر و اروپا بیرلیگی 28 اولکه، 5 ییل دوامیده قدمه – قدمه هوا ساحه لرینی بیر – بیراولری نینگ هوا یول شرکتلری اوچون آچیب بیره دی.

خوفسیزلیک و هوا ترافیکی اداره سی کبی تورلی هواچیلیک موضوعلریده یوقاری سویه لی استندردلر تعیین قیلینه دی.

ایککی تامان اورته سیده گی کیلیشماوسیزلیکلرنی برطرف ایتووچی بیر میکانیزم ایجاد ایتیله دی.

موضوع بیلن تیگیشلی اروپا بیرلیگی تیکشیروویده، قطر بیلن آلیب باریلگن هواچیلیک کیلیشووی نینگ 2025 – ییلی گچه 2 مینگ کیشی نینگ استخدام ایتیلیشی و 3 میلیارد یورولیک اقتصادی مفاد کیریتیشی کوزگه توتیلگن.

هواچیلیک کیلیشووی نینگ عملی بولیب باشله شی اوچون اروپا بیرلیگی بیلن قطرنینگ تصدیق قیلیب چیقریش جریانینی نهایی قیلیش لری ضرور.