اوروپا بیرلیگی افغانستانگه تقریباً بیش یوز میلیون یورو یاردم قیله دی

توناوکون ژنوده بولیب اوتگن افغانستان بیلن علاقه لی خلق ارا ییغیلیش جریانیده اوروپا بیرلیگی نینگ افغانستانگه 474 میلیون یورو یاردم قیلیشی بوییچه کیلیشوو امضا قیلیندی. 

تقریباً 535 میلیون دالردن عبارت اوشبو یاردم بیلن علاقه لی کیلیشوو اوروپا بیرلیگی کینگییش و همکارلیک لر بوییچه مسئولی نیوین میمی کا و افغانستان مالیه وزیری همایون قیومی تامانیدن امضالندی.   

اوشبو یاردم نینگ افغانستانده تینچلیک نینگ اورنه تیلیشی, خوفسیزلیک قیین چیلیک لری نینگ ییچیلیشی, اجتماعی و اقتصادی برقرارلیک نینگ تامین ایتیلیشی بوییچه مصرف قیلینیشی کوتیلماقده. 

افغانستان جمهوررئیسی محمد اشرف غنی, ژنوده بولیب اوتگن اوشبو ییغیلیش جریانیده قیلگن صحبتیده اوروپا اولکه لرینی افغانستانده سرمایه گذارلیک قیلیش و افغانستان خلقی بیلن همکارلیک قیلیشگه چقیردی.