امریکا نینگ ایران تحریملری و افغانستانگه قالدیره دیگن تاثیری

افغانستان تجارت و صنایع اتاقی امریکا قوشمه ایالتلری نینگ ایرانگه قره تیلگن اوشبو تحریم لری نینگ افغانستان اقتصادی گه منفی تاثیر قالدیره دیگن لیگی نی بیلدیردی. 

تجارت و صنایع اتاقی افغانستان نینگ ایران بیلن کوپلب ساحه لر بوییچه تجارتی مناسبت گه ایکن لیگی نی معلوم قیلدی. 

امریکا نینگ ایرانگه قره تیلگن اوشبو تحریم لری نینگ بیرینچی دن ایران بیلن قیلینیاتگن سودا- ساتیق, ایککینچی دن تورکیه و اوروپا دن ایران آرقه لی افغانستانگه کیلیاتگن ماللر و اوچینچی دن ایسه مهم اهمیت گه ایگه بولگن چابهار بندری جهتی دن افغانستانگه تاثیر قالدیره دیگن لیگی بیلدیریلماقده. 

آلینگن معلومات لر گه بندر عباس آرقه لی کونده تقریباً بیر مینگ کانتینر مال نینگ افغانستانگه وارد قیلینیاتگن لیگی معلوم قیلینماقده. 

بیر ییلده ایران بیلن افغانستان نینگ 1,2 میلیارد دالر لیک تجارت قیلگن لیگی بیلدیریلماقده.  افغانستان تجارت و صنایع اتاقی افغانستان نینگ جاری ییل نینگ دستلبکی تورت آییده ایرانگه تورت میلیون دالرلیک مال صادر قیلگن لیگی نی معلوم قیلدی. 

امریکا قوشمه ایالتلری نینگ ایرانگه قره تیلگن تحریم لری جهان بانکیده گی ایران سرمایه سی نینگ تونگنه تیلیشی, کیمه یوللری نینگ یاپیلیشی و ایران نینگ نفت صادراتی نینگ بوتونلی توخته تیلیشی نی قمره ماقده.