بیر دانه الماس تقریباً 7 ملیون دالرگه ساتیلدی

سونگی 300 ییلی اروپاده اوتگن کوک الماس، سویس نینگ ژنو شهریده اویوشتیریلگن لیلامده 6،7 ملیون دالرگه ساتیلدی.

Sotheby's لیلام اویی تامانیدن علنی ساتیش (لیلام) قیلینگن کوک الماس، اسپانیا قرالی 5- فلیپ نینگ میلادی 1715 – ییلی تورموشگه چیققن پارما دوکونینگ قیزی ایلیزابت فارنیس گه توی هدیه سی اوله راق بیریلگن.

300 ییل بوییچه، اسپانیا، فرانسه، ایتالیا و اتریشده گی اصیل عایله لر صاحب بولگن خوددی شو کوک الماس 6،1 قراتلیک بولیب 6،7 ملیون دالرگه ساتیلدی. لیکن بو الماس نی ساتیب آلگن کیشی نینگ کیم لیگی حقیده معلومات بیریلمه دی.

اوشبو الماس نینگ هندوستانده جایلشگن گولجونده معدنیدن چیقریلگن لیگی بیلدیریلدی.