ایردوغان بیلن پوتین آره سیده اوچره شوو بولیب اوتدی

ایردوغان بیلن پوتین آره سیده اوچره شوو بولیب اوتدی

روسیه دن ترکیه گه گاز انتقال بیرووچی کیلیشوو گه ترکیه انرژی وزیری برات آل بیراق بیلن روسیه انرژی وزیری الکسندر نواک قول قویدیلر.

استانبول ده گی مابین قصریده بولیب اوتگن امضا مراسمی گه ترکیه جمهور رئیسی رجب طیب ایردوغان بیلن روسیه دولت باشلیغی ویلادیمیر پوتین هم قتنشدیلر.

  امضا مراسمی نینگ آرتیدن جمهور رئیس ایردوغان بیلن پوتین آره سیده بیر یریم ساعت لیک خصوصی اوچره شووو بولیب اوترکن، ایککی اولکه آره سیده گی مناسبت، توریزم و تجارت کبی موضوعلر بحث بولیب اوتگن لیگی بیلدیریلدی.

جمهور رئیس ایردوغان روسیه بیلن مناسبت نینگ نورمال بولیب باره یاتگن لیگینی معلوم قیلیب، یوکسک سویه لی مشورتی جلسه لر بولیب اوترلیگینی بیان ایتدی.

ایردوغان منطقه ده گی اوزگریشلر چوکاتیده پوتین بیلن سوریه، فراد قالقانی عملیاتی و حلب ده گی بحران نینگ انسانی بُعدی بیلن علاقه لی صحبت عملگه آشیریب، احتمالی همکارلیک لر مطرح بولگن لیگینی بیلدیردی.

پوتین بیلن ایردوغان آق قویو نوکلر انرژی سنترالی بیلن علاقه لی جریان نینگ هم سرعت بیریلیشی توغریسیده کیلیشگن لیکلرینی اورغولب، اوتیب کیتگن وقت نینگ جبران بولرلیگینی قید ایتدی.

روسیه دولت باشلیغی ویلادیمیر پوتین دنیا انرژی کینگاشی نینگ موفقیتی اوچون ترکیه نی تبریک ایتدی.

پوتین، ایردوغان بیلن ایککی تامان آره سیده گی مناسبت گه تماس ایتگن لیکلرینی اورغولب، بو ساحه ده گی ایشلرگه سرعت بیریش اوچون کیلیشگن لیکلرینی معلوم قیلدی.

روسیه دولت باشلیغی ترکیه دن سبزی، میوه و بعضی بیر زراعت محصول لری صادراتی نینگ قیته دن آزاد ایتیلگن لیگینی بیان ایتیب، ب.نینگ ایککی تامان اوچون هم موفقیت اوله راق بهالندیردی.

پوتین ترکیه بیلن بولیب اوتگن گاز نرخی توغریسیده تخفیف بولرلیگینی بیان ایتدی.

ترکیه بیلن روسیه نینگ سوریه ده آقیب تورگن قان نینگ نهائی بولیشینی خواهله گن لیکلرینی معلوم قیلیب، بو اولکه ده سیاسی موقتی جریان نینگ تیزلیکده باشله ییشینی آرزو قیلگن لیکلرینی اورغوله دی.

ویلادیمیر پوتین، سوریه نینگ حلب شهریگه انسانی یاردم آلیب بارماقچی بولگن لیکلرینی بیراق نا توغری تبلیغ گه مانع بولیش اوچون امریکا قوشمه ایالتلریگه بیر تکلیف قیلگن لیکلرینی بیلدیریب، اما اولر بونی قیلماقچی ایمسلر، دیدی.

پوتین حلب ده گی قان نینگ توته تیش اوچون بیرلشگن ملتلر تشکیلاتی خاص نماینده سی استافن دی میستورا تامان بولگن "قورال نی ترک ایتماقچی بولگن گروپ لرنینگ منطقه دن انتقال بیرش" تکلیفی نینگ مثبت ایکن لیگینی ایتدی.