چینده اردوغان بیلن پوتین آره سیده بیر اوچره شوو بولیب اوتدی

جمهوررئیسی اردوغان, توناوون چینده روسیه جمهوررئیسی پوتین بیلن اوچره شدی. 

جی ییگیرمه رهبر لر ییغیلیشی دایره سیده چین خلق جمهوریتیده بولیب اوتگن اوشبو اوچره شوو جریانیده ترکیه جمهوریتی جمهوررئیسی رجب طیب اردوغان, روسیه جمهوررئیسی ولادیمیر پوتین بیلن منطقه وی سیاسی موضوع لر توغری سیده بحث ایته دیگن لیک لری نی بیلدیررایکن, روسیه بیلن انرژی ساحه سی بوییچه تشله نه دیگن قدم لرنینگ ایککی اولکه آره سیده گی علاقه لرنینگ ینه ده آرتیب کیتیشی گه حصه قوشه دیگن لیگی نی معلوم قیلدی. 

پوتین ایسه, جولای آیی نینگ 15 نچی کونیده گی کودتا تشبثی آرتیدن ترکیه ده گی وضعیت نینگ تیز بیر شکلده عادی لشگن لیگی نی بیلدیررایکن, اوشبو موضوع نینگ اوزی نینگ اولر نی خرسند قیلیب قویگن لیگی نی بیلدیردی. 

پوتین, تروریزم گه قرشی کوره شیتگن ترکیه نینگ قیین بیر دور دن اوتگن لیگی نی معلوم قیلرایکن, ترکیه نینگ مهم بیر تهدید گه دوچ کیلیب قالگن لیگی نی ایسله تیب اوتدی. 

پوتین بیلن اردوغان, ترک هوا ساحه سی نی اخلال ایتگن روس اوروش طیاره سی نینگ نوامبر آیی نینگ 24 نچی کونیده ترکیه تامانیدن اوریب توشیریلیشی آرتیدن باشلب کیتگن بحران کیتیدن ایلک مراتبه آگست آیی نینگ 9 نچی کونیده سن پترزبورگده اوز ارا اوچره شگن ایدی.