ایران تشقی ایشلر وزیری ترکیه گه تشریف بویوردی

ایران تشقی ایشلر وزیری محمد جواد ظریف ترکیه نینگ استانبول شهری گه تشریف بویوردی.

ظریف, ژورنالست لرنینگ سئوال لری گه جواب قیتررایکن, ترکیه بیلن ایران آره سیده گی اقتصادی علاقه لرنینگ ینه ده یخشی لشتیریلیشی اوچون سعی و حرکت ایتیتگن لیک لری نی بیلدیردی.

عینی دمده ظریف, اوشبو سفری دایره سیده منطقه ده گی مسئله لر و مشترک تهدید لر باره سیده صحبت ایته دیگن لیک لری نی معلوم قیلدی.

ترکیه جمهوریتی تشقی ایشلر وزیرلیگی تامانیدن بیریلگن بیاناتده ایسه, ظریف نینگ ترکیه جمهوریتی جمهوررئیسی رجب طیب اردوغان و ترکیه جمهوریتی باش وزیری احمد داوود اوغلی بیلن اوچره شه دیگن لیگی قید ایتیلدی.

ایران بیلن ترکیه نینگ سوریه ده گی اوروش لر بیلن علاقه لی بیر بیر لری گه مخالف سیاست آلیب بارگن لیگی گه قره مسدن, اوشبو موضوع ایککی اولکه آره سیده گی اقتصادی همکارلیک نی مختل قیلمه دی.

حوت آیی نینگ ۱۵ نچی کونیده ترکیه جمهوریتی باش وزیری احمد داوود اوغلی بیش وزیر و کوپلب ترک سرمایه دار بیلن بیرگه تهران گه سفر قیلگن ایدی.