تحریملر نینگ لغو ایتیلیشی آرتیدن ایران و اورته شرق

حسن روحانی نینگ ایران جمهوررئیسی اوله راق سیله نیشی آرتیدن ایران نینگ هستوی برنامه لری بیلن علاقه لی مذاکره لر باشلب کیتگن ایدی. ایران بیلن بیش جمع بیر اولکه لری (امریکا قوشمه ایالتلری, روسیه, چین, انگلستان, فرانسه و آلمان) آره سیده گی مذاکره لر دایره سیده میلادی ۲۰۱۵ نچی ییلی جولای آیی نینگ ۱۴ نچی کونیده بیر کیلیشوو امضالنگن ایدی. اوشبو کیلیشوو نتیجه سیده تمانلر بیر پلان تیارله گن ایدی.

خودی منه شو پلان دایره سیده جنوری آیی نینگ ۱۶ نچی کونیده خلق ارا اتم انرژی سی آژانسی ایران نینگ مسئولیتلرینی بجا کیتیرگن لیگی گه تیگیشلی بیر راپور ترقتدی. شونده ی قیلیب امریکا قوشمه ایالتری و اوروپا بیرلیگی نینگ ایران گه قره تیلگن تحریملری لغو قیلیندی.

اوشبو وضعیت ایسه سعودی عربستان و کورفز ده گی متفقلری, اسرائیل, امریکا ده گی جمهوریتچی کانگرس اعضالری و نیو کانسرواتیف و حتی امریکا قوشمه ایالتلری بیلن بولگن علاقه لرنینگ یخشی له شیشی گه مخالف بولگن ایران ده گی محافظه کار لر نینگ هم تینچی نی بوزیب قویدی.

سعودی عربستان و کورفزده گی متفقلری, میلادی ۲۰۰۳ نچی ییلیده عراقده یوز بیرگن رژیم اوزگریشی نی منطقوی کوچ جهتیدن ایران نینگ منفعتی گه اویغون بیر ینگی لیک اوله راق بهالنتردیلر. عراقده گی رژیم اوزگریشی آرتیدن عراقده شیعه لرنینگ حکومتده یخشی بیر اورین گه ایگه بولگن لیک لری یخشی بیر ینگی لیک اوله راق بهالنتریلمه دی. عرب بهاری پروسه سیده ایران و متفقلری نینگ سوریه ده گی رولی و بحرین بیلن یمن ده گی ینگی لیکلر هم کورفز اولکه لری نی راحت سیز ایتیب قویدی. عربلر نینگ یشیتگن اورته شرق ده گی شیعه لر گه ایران نینگ تاثیری, سعودی عربستان و متفق لری نینگ مییه سیده ایران نینگ منطقه ده حاکمیت قوریش گه حرکت ایتیتگن لیگی فکری نینگ پیدا بولیشی گه سبب بولدی.

اسرائیل ایسه ایران نی پیدا بولگن کوندن بیری بیر تهدید اوله راق بهالنترماقده. بیر نیچه کون آلدین اسرائیل مدافعه وزیری, حتی داعش نینگ هم ایراندن یخشیراق ایکن لیگی نی بیلدیردی. ایران نینگ اسرائیل گه قره تیلگن سوزلری تل ابیب رهبریتی نینگ تینچی نی بوزماقده. عینی دمده, اسرائیل ایران نینگ حماس, اسلامی جهاد و حزب الله نی حمایه لیتگن لیگی نی اسرائیل گه قرشی بیر تهدید اوله راق بهالنترماقده.

امریکا قوشمه ایالتلریده گی ایریم جمهوریتچیلر و نیو کانسرواتیف لر ایسه ایککی سبب بیلن ایران گه مخالفلر. بیرینچیدن ایران نی امریکا قوشمه ایالتلری نینگ خلق ارا و منطقه مقیاسیده گی منفعتلری گه قرشی بیر تهدید اوله راق قبول ایتماقده. ایککینچیدن هیچ قنده ی بیر شرایط نی مطرح ایتمسدن اسرائیل نی حمایه لیتگن لیک لری اوچون ایران نی اوز لری گه بیر دشمن اوله راق بهالنترماقده.

آره سیده انقلاب محافظ لری نینگ هم موجود بولگن ایرانده گی ایریم تمانلر ایران بیلن امریکا قوشمه ایالتلری آره سیده گی بحرانی مناسبتلر نینگ دوام ایتیشی گه طرفدار. شوباعث اوشبو تمانلر ایران جمهوررئیسی روحانی و اونینگ طرفدار لری گه مخالفت بیلدیرماقده. شونده ی قیلیب روحانی و تیمی نینگ موفقیت قول گه کریتیتگن لیک لری محافظه کار لرنینگ موفقیت سیزلیگی گه سبب بولماقده.

فقط گینه هستوی برنامه لر بیلن علاقه لی تحریم لرنینگ لغو قیلینیشی و امریکا بیلن ایران آره سیده باشقه کیلیشموچیلیک لرنینگ هم موجود بولیشی گه قره مسدن, ایککی اولکه آره سیده گی مناسبتلر بوییچه ینگی بیر دور نینگ باشلب کیتگن لیگی نی معلوم قیلیش کیره ک. وضعیت نینگ بونده ی بولیشی گه ایککی خصوص نینگ سبب بولگن لیگی کورینماقده. بیرینچیدن امریکا قوشمه ایالتلری تهدید مفکوره سیده کتته بیر دشمن دولت نینگ اورنی نی اوباما نینگ امریکاده وحدت بیلن علاقه لی قیلگن صحبتیده بیلدیرگن لیگی دیک, موفقیت سیز دولتلر نینگ سبب بولگن بحران لر باعث پیدا بولگن تهدید لر آلگن وضعیتده. اوشبو موضوع بیلن علاقه لی داعش و القاعده سنگری قوراللی تشکیلاتلر نی مثال قیلیب کورسه تیش ممکن. امریکا اورته شرقده برقرارلیک نینگ تامین ایتیلیشی اوچون اوشبو تشکیلات لر گه قرشی کوره ش گه اهمیت بیرمس ایکن, خودی منه شو مسئله بوییچه ایران بیلن مشترک بیر تمان گه ایگه ایکن لیگی نی اویله ماقده.

اوباما دوریده تشقی سیاست ده آسیا پسیفیک منطقه سی اینگ مهم جیوپولیتیک ساحه گه ایله نیب قالدی. چین نینگ تیگره گی نی اوره ب آلیش بیلن علاقه لی اوشبو سیاست اوچون اوباما رهبریتی نینگ اورته شرقده گی مسئولیتلریدن اوزاق له شیشی کیره ک. ایران بیلن بولگن معمالر نینگ بر طرف ایتیلیشی و ایران نینگ خلق ارا جامعه بیلن علاقه لری نینگ یخشی لشیشی نینگ ایسه اوباما رهبریتی نینگ اورته شرقده گی یوکی نی کمیتیره دیگن لیگی اویلنماقده. عینی دمده عراقده برقرارلیک نینگ تامین ایتیلیشی ایران و امریکا نینگ مشترک منفعتیدن عبارت. بوندن تشقری ایککی اولکه نینگ سوریه بوییچه هم مشترک منفعتلری نینگ موجود بولیشی ممکن.

تحریملرنینگ لغو قیلینیشی آرتیدن ایران نینگ پطرول تولیداتی میزانی نینگ آرتیب کیتیشی احتمالی موجود. بیراق, پطرول نرخ لری نینگ کونساین توشیب باریتگن خودی منه شو کون لرنینگ اوزیده اوشبو موضوع نینگ ایران اقتصادی گه فایده سی نینگ محدود بوله دیگن لیگی کورینماقده. اقتصادی جهتدن ایران نینگ خلق ارا بانک لر ده توگنه تیلیب قویلگن ۱۰۰ میلیارد دالرلیک پولی نینگ آزاد قیلینیشی ینه ده مهم بیر موضوع نی تشکیل ایتماقده. عینی دمده خلق ارا شرکتلر هم ایران گه اوز نماینده لری نی یوباریب باشله دی. شوباعث ایران نینگ اقتصادی بوییچه قیسقه بیر مدت مابینیده جدی ینگی لیکلر یوز بیره دی.

ایران نینگ اوشبو اقتصادی امکانیت لری دن حربی کوچی نی آرتریش اوچون استفاده ایته دیگن لیگی یاکه ایتمیدیگن لیگی خصوصی سعودی عربستان و متفقلری, اسرائیل و امریکاده گی جمهوریتچی لر و نیو کانسرواتیف لر نی جدی بیر شکلده قیغو لنترماقده. ایران نینگ ایچیده ایسه موجود کیلیشوو روحانی و اونینگ تیمی نینگ کوچی نی آرتیریب یوباردی.

امریکا بیلن ایران آره سیده گی بحران نینگ کمیتیریلیشی جهتیدن اوته مهم اهمیت گه ایگه اوشبو هستوی کیلیشو دایره سیده تحریم لرنینگ لغو قیلینیشی ایککی اولکه آره سیده گی برچه معمالر نینگ ییچیلیشی معنی سی گه کیلمیدی. امریکا هستوی برنامه لردن تشقری باشقه تحریملری نی دوام ایتتیره دی. عینی دمده بالستیک راکت لر نی تجربه قیلگن لیگی اوچون ایران گه قرشی ینه بیر تحریمنی مطرح ایتیب قویدی.

منطقه بیلن علاقه لی آلدینگی سیدن فرقلی بیر سیاست آلیب باره دیگن لیگینی ایما ایتگن امریکا ایسکی متفقلرینی هم قولدن بیریب قویش گه طرفدارایمس. بوندن تشقری امریکا ایران بیلن بولگن برچه معما لری نی ییچگن هم ایمس البته که. امریکا گه همه گپلری نی قیلدیریتگن اسرائیل نینگ ایران گه قره تیلگن تحریم لرنینگ لغو ایتیلمس لیگی گه تیگیشلی طلبی نینگ واشنگتن رهبریتی تمانیدن قبول ایتیلمه گن لیگی کورینماقده. لیکن اوشبو موضوع امریکا قوشمه ایالتلری نینگ اسرائیل دن واز کیچگن لیگی معنی سی گه کیلمیدی. بیراق, اسرائیل بیلن بولگن علاقه لر بوییچه ایریم اوزگریش لرنینگ کریتیله دیگن لیگی ایما ایتیلماقده.