تورکیه مطبوعاتیدن خلاصه لر 17.04.2024
تورکیه مطبوعاتیده باسیلیب چیققن خبر لرنینگ خلاصه لری
ینی شفق روزنامه سی, کابینه ییغیلیشی آرتیدن جمهوررئیسلیک مجتمع سیده جمهوررئیسلیک ژورنالیست لری بیلن صحبت قیلگن جمهوررئیس اردوغان نینگ, بیر نیچه کون کیین عراققه قیله دیگن سفری نینگ اهمیتی گه دقت قره ترایکن, "کوپلب کیلیشوو لر امضاله نه دی. اربیل گه هم سفر قیلیشیم ممکن" دییه قید ایتگن لیگینی ایسلتماقده.
صباح روزنامه سی, غزه گه ییتیشتیریلیب بیریلیشی اوچون تورکیه قیزیل یریم آی جمعیتی تامانیدن تیارلنگن 3 مینگ 774 تن بشری یاردم موادی نینگ یوکلنگن کیمه نینگ, توناون تورکیه نینگ مرسین خلق ارا بندری دن حرکت قیلگن لیگینی یازماقده.
خبرده, تورکیه جمهوریتی قیزیل یریم آی جمعیتی باشلیغی فاطمه مریچ ییلماز نینگ, "غزه گه حاضرگی کون گه قدر 13 اوچاق و 8 کیمه یاردم کیتدی. 9- کیمه میز نی یوباردیک. بو کیمه میز حاضرگی کون گه قدر اینگ کوپ یاردم انتقال ایتتیرگن کیمه میزدن عبارت بولدی" دییه قید ایتگن لیگی ایسله تیلماقده.
حریت روزنامه سی, تورکیه جمهوریتی صنایع و تکنالوژی وزیری فاتح محمد قاجیر نینگ, تورکیه نینگ ایلک یوقاری تینیقلیککه ایگه وطنی ستلایتی دن عبارت İMECE نینگ فضاده گی بیرینچی ییلی نی تکمیل قیلگن لیگینی بیلدیرگن لیگینی معلوم قیلماقده.
خبرده, قاجیر نینگ اجتماعی ترماق آرقه لی بیرگن بیاناتیده, İMECE نینگ مدار گه جایله شیب آلگن کوندن بیری ایشینی موفقیت بیلن بجریب کیلیاتگن لیگینی معلوم قیلگن لیگی گه دقت قره تیلماقده.
ستار روزنامه سی, آذربایجان جمهوررئیسی الهام علی اف نینگ, تورکیه بیلن آذربایجان نینگ همکارلیگی بیلن قوریلیشی ریجه لنگن تورکیه – آذربایجان عالی بیلیم یورتی نی رسماً تصدیق له گن لیگینی بیلدیرماقده.
وطن روزنامه سی, تورکیه نینگ بایکار تکنالوژی شرکتی تامانیدن تولید ایتیلگن اوچووچیسیز سیستم لرنینگ تست لری نینگ موفقیت بیلن دوام ایتیاتگن لیگینی یازماقده.
خبرده, کمانکش 2 راکتی نینگ تورکیه نینگ ایدیرنه ولایتی نینگ کیشان تومنیده جایلشگن بایکار اوچیش تعلیم و سینش مرکزیده دوام ایتدیریله دیگن تست پروسه سی نینگ باشله گن لیگی ایسله تیلماقده.
