تورکیه مطبوعاتیدن خلاصه لر 05.03.2024

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, کابینه ییغیلیشی آرتیدن بیرگن بیاناتیده, تورکیه نینگ چیگره سی گه یقین بیر جایده بیر تروریزم مرکزی نینگ قوریله آلمه یدیگن لیگینی بیلدیررایکن, "عراق چیگره میز نینگ خوفسیزلیگی نی گرنتی ایتیش بوییچه فعالیت لری میزنی تکمیل قیلماقده میز. جاری ییل یاز موسمیده عراق چیگره میز بیلن علاقه لی معما نی ییچگن بوله میز" دییه قید ایتگن لیگینی یازماقده.

حریت روزنامه سی, تورکیه جمهوریتی ملی مدافعه وزیری یاشر گولر نینگ, تروریزم گه قرشی کوره ش بوییچه قرارلی ایکن لیک لرینی بیلدیررایکن, "کیلگوسیده ترور تشکیلاتی نینگ فعالیت ظرفیتی نینگ بوتونله ی توخته تیلیشی اوچون کوزی میز نینگ کورمه یدیگن و ایاغی میز نینگ باسمه یدیگن بیر جای قالمه یدی" دییه قید ایتگن لیگی نی ایسلتماقده. 

ستار روزنامه سی, بایکار شرکتی نینگ عمومی باشلیغی خلوق بیرقدار نینگ, بیرقدار تی بی 2 قوراللی اوچووچیسیز اوچاق لر نینگ آلبانیا اردوسیده اوز اورنی نی آلگن لیگینی بیلدیررایکن, "شونده ی قیلیب آلبانیا اردوسیده بیرینچی مرته ناتو ستندرت لری گه اویغون بیر هوا واسطه سی اورین آلگن بولدی" دییه قید ایتگن لیگینی بیلدیرماقده. 

صباح روزنامه سی, اوتگن ییل نینگ خوددی شوو دوری بیلن سالیشتیریلگنده تورک لیره سی بیلن قیلینگن تشقی تجارت میزانی نینگ جاری ییل نینگ دستلبکی ایکّی آییده 39,4 فایز گه آشیب 207 میلیارد 738 میلیون لیره گه ییتگن لیگینی معلوم قیلماقده. 

خبرده, جاری ییل نینگ ایلک آییده 164 و فبروری آییده ایسه 168 اولکه گه تورک لیره سی بیلن صادرات قیلینگن لیگی ایسله تیلماقده. 

خبرتورک روزنامه سی, جاری ییلده یاز تعطیلی اوچون آلمان دن اینگ کوپ ریزرویشن قیلینگن 10 توریستیک جای آره سیده تورکیه نینگ, اسپانیادن اوتیب بیرینچی اورین نی ایگلله گن لیگینی یازماقده.