تورکیه مطبوعاتیدن خلاصه لر 26.02.2024

وطن روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ, مدافعه صنایع سی بوییچه جوده کتته موفقیت لر قولگه کیریتگن لیگینی بیلدیررایکن, "(اوروش کیمه سی) تی سی جی انادولو دن اوتگن ییلده استفاده ایته باشله دیک.  قوراللی و قورالسیز اوچووچیسیز اوچاق لرده ایلک 3 اولکه دن بیری میز.  ملی محارب اوچاغی میز قاآن نینگ دستلبکی اوچیشی موفقیت بیلن عملگه آشیریلدی" دییه قید ایتگن لیگینی معلوم قیلماقده. 

ینی شفق روزنامه سی, بیرقدار آقینجی سی نینگ, دستلبکی اوچیش تستی نینگ موفقیت بیلن بولیب اوتگن لیگینی بیلدیرماقده. 

خبرده, آقینجی سی نینگ, موجود کوچی بیلن اوز ساحه سی نینگ اینگ موثر و قابلیتلی محارب پلاتفرمی دن عبارت بوله دیگن لیگی ایسله تیلماقده. 

ستار روزنامه سی, آذربایجان جمهوررئیسی الهام علی اف نینگ, جمهوررئیس اردوغان گه توغیلگن کونی مناسبتی بیلن یوبارگن پیامیده, "سیز آذربایجان خلقی نینگ حقیقی دوستی سیز.  آذربایجان نینگ حقلی دعواسی توغریده سیده هردایم آلیب باریاتگن قرارلی و انیق سیاستینگیز و تردد سیز حمایتینگیز خلقی میز تامانیدن منتدارچیلیک بیلن یاد ایتیلماقده" دییه قید ایتگن لیگینی یازماقده. 

حریت روزنامه سی, اسرائیللیک آنتروپولوژیست جیف هالپر نینگ, اسرائیل اشغالی گه قرشی عثمانی دولتی سیستمی نی پیشنهاد قیلگن لیگینی ایسلتماقده. 

خبرده, هالپر نینگ, "فلسطینلیک لر و همده مین دیک اسرائیللیک لر اوچون عثمانی دولتی کبی بیر سیستم نی خیال ایتماقده من.  انسان لر نینگ هر تامان گه باریب کیلیشی ممکن ایدی.  ایرکین ایدی لر.  اورته شرقده بونینگ, 100 ییل کیین ینه بولیشی ممکن" دییه قید ایتگن لیگی گه دقت قره تیلماقده. 

صباح روزنامه سی, تست اتلس ده اورین آلگن 16601 شهر آره سیدن اینگ "مزه لی طعام" گه ایگه شهر لر نینگ سیله نگن لیگی نی یازماقده. 

خبرده, اوشبو لیست نینگ دستلبکی 10 شهری آره سیده تورکیه دن هم غازی انتیپ شهری نینگ اورین آلگن لیگی ایسله تیلماقده.