تورکیه مطبوعاتیدن خلاصه لر 21.02.2024

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, انقره گه تشریف بویورگن آلبانیا باش وزیری ایدی راما بیلن ترتیب له گن اورتاق مطبوعاتی کنفرانسیده, ایکله اولکه اورته سیده گی مناسبت لرنی رواجلنتیریش نی خواهلیاتگن لیک لرینی بیلدیرگن لیگینی ایسلتماقده. 

خبرده, اردوغان نینگ, "آلبانیا, بیرلشگن ملتلر تشکیلاتیده گی فلسطین مسئله سی بوییچه بولیب اوتگن رای گیرلیکده تاریخ نینگ توغری تامانیده اورین آلدی" دییه قید ایتگن لیگی معلوم قیلینماقده. 

روزنامه, راما نینگ ایسه, تورکیه نینگ کوپلب موضوع لر بوییچه آلبانیا نی حمایت قیلگن لیگینی بیلدیررایکن, اوشبو حقده تورکیه گه منتدارچیلیک بیلدیرگن لیگینی یازماقده. 

حریت روزنامه سی, آلبانیا باش وزیری راما نینگ, "(غزه ده) آتشکیسین نینگ وقتی کیلدی. اسیر لرنینگ قوییب یوباریلیشی کیره ک.  تورکیه وازکیچیله آلمه یدیگن بیر اکتور.  ایرته نینگ خوفسیزلیگی نی تامین ایتیش اوچون مهم بیر اکتور دن عبارت" دییه قید ایتگن لیگی گه دقت قره تماقده. 

ستار روزنامه سی, تورکیه نینگ, تورک انجنیر لر تامانیدن اویلب چیقریلیاتگن کمپیوتری پروگرام لری بیلن هواچیلیک ساحه سی بوییچه دنیا ده اینگ کتته موفقیت لر نی قولگه کیریته دیگن لیگینی بیلدیرماقده. 

خبرده, دنیا هواچیلیگیده اورتاق تیل تشکیل ایتیلیشی بوییچه سعی و حرکت لر گه حصه قوشه دیگن اوشبو کمپیوتری پروگرام نینگ, خوددی شوو سکتور ده فعالیت یوریتیاتگن دنیا ده گی 2 کتته کمپیوتری پروگرام نینگ کمچیلیک لری توغریسیده گی قیین چیلیک نی ییچه دیگن لیگی بیلدیریلماقده. 

صباح روزنامه سی, تورکیه جمهوریتی توساش موتور صنایع شرکتی نینگ عمومی باشلیغی محمود فاروق آقشیت نینگ, رقیب لری گه کوره ایلغار تکنالوژی بیلن اوچووچیسیز اوچاق ماشین لری تولید ایتیاتگن لیک لرینی بیلدیررایکن, "دنیا ده رقیب لری میز بار لیکن بیز نینگ ماشین لری میز جوده کوچلی و همه سی دن یخشیراق" دییه قید ایتگن لیگینی یازماقده. 

ینی شفق روزنامه سی, امریکا قوشمه ایالتلری کانگرسی نینگ, ایلک مراتبه امریکا ده یشیاتگن بیر تورک تبعه سی گه, اوزی یشیاتگن ایالتده جمعیت گه قیلگن خدمت لری سببلی تقدیرنامه بیرگن لیگینی معلوم قیلماقده. 

خبرده, حسین بیره م نینگ, امریکا قوشمه ایالتلریده اوزاق ییللردن بیری تورک طعام لری نینگ تانیتیلیشی بوییچه خدمت قیلیب کیلیاتگن لیگی بیلدیریلماقده.