تورکیه مطبوعاتیدن خلاصه لر 20.02.2024
تورکیه مطبوعاتیده باسیلیب چیققن خبر لرنینگ خلاصه لری
وطن روزنامه سی, تورکیه جمهوریتی جمهوررئیسی رجب طیب اردوغان نینگ, آذربایجان جمهوررئیسی الهام علی اف بیلن انقره ده ترتیب له گن مطبوعاتی کنفرانسیده قاره باغ دن اشغالچی ارمنی لر نینگ چیقریلیشی آرتیدن منطقه ده قالووچی بیر تینچلیک نینگ اورنه تیلیشی اوچون تاریخی بیر فرصت نینگ پیدا بولگن لیگینی بیلدیرگن لیگینی یازماقده.
خبرده, اردوغان نینگ, "آذربایجان بیلن ارمنستان آره سیده پیدا بولگن اوشبو فرصت نینگ قولدن بیریلمس لیگی کتته اهمیت گه ایگه" دییه قید ایتگن لیگی ایسله تیلماقده.
خبرتورک روزنامه سی, آذربایجان جمهوررئیسی الهام علی اف نینگ, تورکیه نینگ حاضرگی کونده جهان مقیاسیده سوز ایگه سی بیر اولکه دن عبارت ایکن لیگینی بیلدیرگن لیگی نی معلوم قیلماقده.
خبرده, علی اف نینگ, "تورک دنیا سی نینگ بیرله شیشی, اورتاق مدنیت گه ایگه خلق لرنینگ بیر آره گه کیلیشی, هر بیر تورک دولت لری تشکیلاتی اعضاسی نینگ کوچی نی آرتیره دی" دییه قید ایتگن لیگی ایسله تیلماقده.
حریت روزنامه سی, یونان نینگ, تورکیه بیلن مصر اورته سیده گی مناسبت لرنینگ یخشی له شیاتگن لیگی نی یقین دن کوزه تیاتگن لیگینی بیلدیرماقده.
خبرده, یونان مطبوعاتی نینگ تورکیه نینگ سونگّی پیتلرده گی تشبث لری بیلن جیوپلتیک ساحه ده "جوده کوچلی" بیر وضعیت گه کیلگن لیگینی بیلدیررایکن, جمهوررئیس اردوغان نینگ منطقه ده هیچ کیمسه نینگ اهمیت بیرمس لیگی نینگ ممکن بولمه گن کوچلی بیر سیاستچی گه ایلنگن لیگینی بیلدیرگن لیگی گه دقت قره تیلماقده.
ستار روزنامه سی, روسیه نینگ انقره ایلچیسی آلکسی ییرخوف نینگ, تورکیه نینگ روسیه- اوکراین اورته سیده آتشکیسین نینگ اورنه تیلیشی, کیین ییچیم پروسه سی توغریسیده همکارلیک قیلیش آرزو سی نینگ و قاره دینگیز حبوبات تشبثی نی جدی بیر شکلده حمایت قیلیاتگن لیگی نینگ تقدیر گه سزاوار ایکن لیگینی معلوم قیلگن لیگینی بیلدیرماقده.
ینی شفق روزنامه سی, آلدینگی ربع بیلن سالیشتیریلگنده تورکیه ده ایشسیزلیک میزانی نینگ میلادی 2023- ییل تورتینچی ربعی ده 0,4 پاینت آزه ییب 8,8 فایز گه توشگن لیگینی معلوم قیلماقده.
خبرده, اوشبو دور نینگ اوزیده ایشسیزلر سانی نینگ 137 مینگ نفر کمه ییب 3 میلیون 70 مینگ کیشی بولگن لیگی ایسله تیلماقده.
روزنامه, آلدینگی دور بیلن سالیشتیریلگنده خوددی شوو دور نینگ اوزیده استخدام قیلینگن کیشی لر سانی نینگ 195 مینگ نفر کوپه یگن لیگی نی یازماقده.
