تورکیه مطبوعاتیدن خلاصه لر 12.12.2023
تورکیه مطبوعاتیده باسیلیب چیققن خبرلرنینگ خلاصه لری
وطن روزنامه سی, تورکیه جمهوریتی جمهوررئیسی رجب طیب اردوغان نینگ, توناون بیرگن بیاناتیده, آلینگن تدبیر لرنینگ اقتصاد ساحه سی بوییچه مثبت تاثیری نینگ کورینه باشلنگن لیگینی بیلدیرگن لیگینی ایسلتماقده.
خبرده, اردوغان نینگ, "اوکتوبر آیی بیلن علاقه لی ایش کوچی احصائیه لری توغری یولده ایکن لیگی میز نی کورستماقده" دییه قید ایتگن لیگی معلوم قیلینماقده.
حریت روزنامه سی, تورکیه پطرول لری شرکتی نینگ, تورکیه نینگ گابار منطقه سیده گی کونده لیک پطرول تولیدی نینگ 30 مینگ بیرل گه ییتگن لیگینی بیلدیرگن لیگینی یازماقده.
صباح روزنامه سی, تورکیه جمهوریتی خزانه و مالیه وزیری محمد شمشک نینگ, اوکتوبر آییده ایش سیزلیک میزانی نینگ سونگّی 11 ییل نینگ اینگ پس سویه سیدن عبارت بولگن 8,5 فایز گه توشگن لیگینی بیلدیرگن لیگی گه دقت قره تماقده.
خبرده, شمشک نینگ, "اقتصادی سیاست لری میز نینگ نتیجه سی نی کورماقده میز. برنامه لری میزده گی هدف لری میز گه نایل بولماقده میز" دییه قید ایتگن لیگی ایسله تیلماقده.
ستار روزنامه سی, تورکیه نینگ تکنالوژی شرکتی دن عبارت بایکار تامانیدن ایشلب چیقریلگن بیرقدار تی بی 2 قوراللی اوچووچیسیز اوچاق نینگ, ینه کتته بیر موفقیت قولگه کیریتگن لیگینی یازماقده.
خبرده, اوشبو قوراللی اوچووچیسیز اوچاق نینگ 750 مینگ اوچیش ساعتی نی موفقیت بیلن تکمیل قیلگن لیگی معلوم قیلینماقده.
خبرتورک روزنامه سی, تورکیه نینگ ماردین ولایتی قیزیل تپه تومنیده روم دوری گه عاید کتته بیر حویلی نینگ قالدیق لریده دینگیز جانلی لری موزائیک لری نینگ تاپیلگن لیگینی بیلدیرماقده.
