تورکیه مطبوعاتیدن خلاصه لر 18.09.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, امریکا قوشمه ایالتلری نینگ نیویورک شهریده بولیب اوتگن بیر ییغیلیشده معروضه قیلگن لیگینی بیلدیرماقده. 

خبرده, اردوغان نینگ اوشبو معروضه سیده, "دنیاده 2 میلیارد مسلمان نینگ مقدساتی گه حمله قیلیش نینگ, سوز ایرکین لیگی بهانه سی بیلن مشروع لشتریلیشی نی هیچ بیر شکلده قبول قیلیشی میز ممکن ایمس" دییه قید ایتگن لیگی ایسله تیلماقده. 

صباح روزنامه سی, جمهوررئیس اردوغان نینگ نیویورک شهریده تیسلا نینگ اساسچی سی ایلان ماسک بیلن قیلگن صحبتیده, تیسلا نینگ 7- فابریکه سی نی تورکیه ده قوریشی اوچون ماسک گه چقیریق بیرگن لیگی نی یازماقده. 

روزنامه, خلق ارا نشرات ارگان لری نینگ اردوغان نینگ ماسک گه ایتگن بو گپی نی اینگ مهم خبر اوله راق ترقه تگن لیگینی معلوم قیلماقده. 

وطن روزنامه سی, ماسک بیلن قیلگن صحبتیده اردوغان نینگ, تورکیه ده تکنالوژی ساحه سی بوییچه یوز بیریاتگن مثبت ینگی لیک لر بیلن علاقه لی بحث ایتگن لیگینی بیلدیرماقده. 

خبرده, اردوغان نینگ, ماسک نی 27- سپتامبر بیلن 1- اوکتوبر کونلری آره سیده تورکیه نینگ ازمیر ولایتیده بولیب اوته دیگن دنیا نینگ اینگ کتته فضا, هواچیلیک و تکنالوژی فستیوالی دن عبارت تکنوفیست گه چقیرگن لیگی ایسله تیلماقده. 

ینی شفق روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, تورک هواچیلیک و فضا صنایع سی شرکتی نینگ, گوکبی هلیکوپتری, اتاک هلیکوپتری, حرجت, حر قوش یینگیل هجوم اوچاغی, انکا اوچووچسیز اوچاغی و ملی محارب اوچاغی دن عبارت قاآن نینگ ایشلب چیقریلیاتگن مرکز لر نی کوریب چیققن لیگینی معلوم قیلماقده. 

خبرده, اورال اوغلی نینگ, تورکیه نینگ مدافعه صنایع سی بوییچه اینگ مهم اولکه لر دن بیری گه ایلنگن لیگینی بیلدیرگن لیگی ایسله تیلماقده.