تورکیه نینگ مطبوعات خلاصه لری

وطن گزیته سی: "فیدان: پی کاکا ویروسینی عراقدن تمیزلب تشله یمیز" سرلوحه سی بیلن خبر بیره دی.

خبرگه کوره تشقی ایشلر وزیری خاقان فیدان "ترورچیلیک بلاسینی قوتیلیش اوچون عملی قیله دیگن انچه ایس بار. تورکیه ده بو معمانی انچه حل ایتدیک. شو وقت عراق توپراقلریده پی کاکا یشینماقده. بو ویروس نی انشالله عراق توپراقلریدن تمیزلب تشله یمیز." دیدی. 

صباح گزیته سی: " تورکیه دن مشترک حربی سیناوگه عکس العمل" سرلوحه سی بیلن خبر بیره دی.

خبرگه کوره ملی مدافعه وزیرلیگی تامانیدن بیریلگن بیاناتده امریکا قوشمه ایالتلری نینگ ترور تشکیلاتی پی کاکا/وای پی جی بیلن سوریه نینگ شمالیده اوتکزگن مشترک حربی سیناوگه تیگیشلی "دوست و متفق اولکه لردن کوتگنیمیز پی کاکا/وای پی جی ترور تشکیلاتی گه بیریلگن یاردم و همکارلیک نینگ توخته تیلیشی و تروریزم گه قرشی کوره شیمیزگه صمیمی همکارلیک قیلیشی دیر" دییلدی.   

حریت گزیته سی: " دنمارکلیک دیپلومات 5- مرته تشقی ایشلر وزیرلیگی گه چقیریلدی" سرلوحه سی بیلن خبر بیره دی.

خبرگه کوره مسلمان اولکه لرنینگ بویوک ایلچیلیکلری نینگ قاشیده مقدس کتابیمیز قرآنکریم نینگ اوتگه بیریلیش حرکتی گه دوام ایتیلیشی گه بناً دنمارک نینگ بویوک ایلچیلیگی وکیلی تکرار تشقی ایشلر وزیرلیگی گه چقیریلدی.

ستار گزیته سی: بیرلشگن ملتلر تشکیلاتی ییتکچیسی تورک خبرچی نینگ قبرس بوییچه سوالی گه جواب بیرالمه دی" سرلوحه سی بیلن خبر بیره دی.

خبرگه بیرلشگن ملتلر تشکیلاتی قبرس ده جنوبی قبرس روم باشقرووی نینگ اورته منطقه ده قول اورگن اخلاللرگه عکس العمل کورستمه گن حالده شمالی قبرس تورک جمهوریتی نینگ انسانی پروژه سی بولمیش پیله – ییگیتلر قتناو یولی ساختمانی گه نیمه اوچون توسیق بولیش گه اورونگن لیگی گه و تامانلرگه نیمه اوچون فرقلی یانداشووده بولگن لیگی بوییچه آیدینلیک بیرمه دی. 

خبرتورک گزیته سی: "تورکیه ده ایلک یریم ییلده 4.8 میلیارد دالر خلق ارا سرمایه کیتیریشی بولدی" سرلوحه سی بیلن خبر بیره دی.

خبرگه کوره تورکیه ده جاری ییل نینگ ایلک 6 آییده 4.8 میلیارد دالر خلق ارا سرمایه کیریتیشی بولدی. کیلگوسی 6 آیده هم کمیده 7.1 میلیارد دالرلیک بیر سرمایه کیرتیش بولیشی تخمین ایتیلماقده.