تورکیه مطبوعاتیدن خلاصه لر 21.06.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, "انسانلیک و قوشنی چیلیک مسئولیت لرینی هردایم بجا کیلتیرگن تورکیه, مهاجرلرنینگ امنیت, کونگیللی و یخشی بیر شرایطده اوز وطن لری گه قیتیب کیتیش لرینی حمایت قیلماقده و بونینگ اوچون کیره کلی پروژه لرنی عملگه آشیرماقده" دییه قید ایتگن لیگینی ایسلتماقده. 

وطن روزنامه سی, جمهوررئیس اردوغان نینگ, غربی اولکه لر دن باشلب زهر دیک باشقه جمعیت لر گه هم یاییلگن مهاجر لر گه قرشی نفرت سوز لری, نیونازی آیدیولوژیسی , مسلمانلر و چیت ایللیک لر گه قرشی دشمن لیک نی رد ایتیاتگن لیکلرینی بیلدیرگن لیگی نی معلوم قیلماقده. 

ستار روزنامه سی, اوتگن هفته ده عراق نینگ شمالیده تورکیه قوراللی کوچلری تامانیدن یوق قیلینگن ترور تشکیلاتی پ.ک.ک اعضاسی ترورچی لردن بیری نینگ آلمان وطنداشی ایکن لیگی نینگ انیقلنگن لیگینی یازماقده. 

خبرده, اولدیریلگن اوشبو ترورچی نینگ آلمانلیک توماس جی ایکن لیگی نینگ انیقلنگن لیگی ایسله تیلماقده. 

صباح روزنامه سی, "آلمان پ.ک.ک نینگ مرکزی" عنوانی بیلن بیرگن بیر خبریده, آلمان فدرال اساسی قانون نی محافظه قیلیش تشکیلاتی نینگ معلوماتیگه کوره, ترور تشکیلاتی پ.ک.ک نینگ, آلمان ده 14 مینگ 500 اعضاسی بیلن افراطی لیک طرفداری خارجی تشکیلات لر آره سیده اعضا سانی جهتی بیرینچی اورین نی ایگلله گن لیگینی بیلدیرماقده. 

ینی شفق روزنامه سی, ایتالیا نینگ توتوسپورت روزنامه سی نینگ هر ییل 21 یاشدن کیچیک فوتبالچی لر گه بیره دیگن  Golden Boy ساورین لری کاندید لری نینگ انیقلنگن لیگینی ایسلتماقده. 

خبرده, اوشبو ساورین گه 18 یاشیده گی تورک ملی فوتبالچی آردا گولر نینگ کاندید قیلیب کورسه تیلگن لیگی بیلدیریلماقده.