تورکیه مطبوعاتیدن خلاصه لر 31.05.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه تجارت اتاق لری 79- عمومی کینگشیده قیلگن معروضه سیده, "یقین تیگره گی میزده گی بحران لر نینگ ییچیلیشی بوییچه باش قاتیریب, منطقه میزده تینچلیک و برقرارلیک نینگ تامین ایتیلیشی اوچون سعی و حرکت قیله میز. دیپلماتیک مناسبت لری میز بیلن, منطقه اولکه لری بیلن اقتصادی و تجاری همکارلیگی میز نی هم کوچه یتیره میز" دییه قید ایتگن لیگی نی یازماقده. 

خبرتورک روزنامه سی, شرقی قاره دینگیز دن جنوری بیلن اپریل آی لری آر سیده تورک بلیغی صادراتی نینگ 227 فایز گه آشیب 28 میلیون 479 مینگ 226 دالر گه کوتریلیب کیتگن لیگینی بیلدیرماقده. 

حریت روزنامه سی, تورکیه جمهوریتی ترانسپورت و زیربنا وزیری عادل قاره اسماعیل اوغلی نینگ, 27- می کونی فعالیت گه باشله گن تورکیه ده ایشلب چیقریلگن ریل بیلن علاقه لی, اوچینچی ریل سیتی نینگ فابریکه تست لری نینگ دوام ایتیاتگن لیگینی معلوم قیلرایکن, "جاری ییل نینگ اوچینچی ربعی ده یولاوچی انتقال ایتدیریش فعالیت لری گه تیار وضعیت گه کیلیتیریش نی ریجه له ماقده میز" دییه قید ایتگن لیگینی ایسلتماقده. 

ینی شفق روزنامه سی, تورک هوا یوللری شرکتی نینگ خلق ارا مقیاسده اینگ یخشی هوا یولی شرکت لری نی بهالنتیره دیگن برند فاینانس نینگ میلادی 2023- ییل "خلق ارا اینگ یخشی هوا یولی شرکت لری" تدقیقاتیده 78,1 پاینت آلیب 8- اورین گه ایگه بولگن لیگینی معلوم قیلماقده.