تورکیه مطبوعاتیدن خلاصه لر 22.05.2023
تورکیه مطبوعاتیده باسیلیب چیققن خبر لرنینگ خلاصه لری
ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, "60 کونده تکمیل قیله میز" دیگن تورکیه نینگ هتای ولایتی ده گی دفنه کسلخانه سینی افتتاح قیلگن لیگینی بیلدیرماقده.
خبرده, اردوغان نینگ, 57 کونده تکمیل بولگن کسلخانه نینگ توناون بولیب اوتگن آچیلیش مراسمیده قیلگن معروضه سیده, بوگون دن اعتباراً اوشبو شفاخانه نینگ کسللرنی قبول قیله باشله یدیگن لیگینی بیلدیرگن لیگی ایسله تیلماقده.
ستار روزنامه سی, اسرائیل نینگ افراطی راستگرا خوفسیزلیک وزیری ایتمار بن جگیر نینگ اشغال آستیده گی شرقی بیت المقدس ده گی مسجدالاقصی گه باسیب کیریلگن لیگینی قاره لرایکن, "بو تحریک ایتووچی و فاشستیک ایش نینگ قبول قیلینیشی هیچ بیر شکلده ممکن ایمس" دییه قید ایتگن لیگینی یازماقده.
خبرتورک روزنامه سی, تورکیه پطرول لری سهامی شرکتی نینگ شیرناقده تروریزم دن تصفیه ایتیلگن گابار داغی منطقه سیده شهید آیبوکه یالچین-2 دیب ناملنگن پطرول قودوغیده برمه کارلیک فعالیت لری نینگ باشلب کیتگن لیگینی بیلدیرگن لیگینی معلوم قیلماقده.
حریت روزنامه سی, ایتالیا نینگ انرژی شرکتی دن عبارت ENI نینگ یوقاری مرتبه لی مسئولی کلادیو دیسکالزی نینگ, آقدینگیزده گی طبیعی گاز قووری فعالیت لری بوییچه تورکیه نینگ تشقریده قالیشی نینگ ممکن ایمس لیگینی بیلدیرگن لیگی گه دقت قره تماقده.
صباح روزنامه سی, 76- کن فلم فستیوالیده تورک دایرکتر نوری بیلگه جیلان نینگ تی آر تی بیلن اورتاق بیر شکلده تیارله گن "قوریق اوتلر اوستیگه" نامیده گی فلمی نینگ آلتین مدال اوچون رقابت ایتیاتگن 21 فلم آره سیده اورین آلگن لیگینی بیلدیرماقده.
خبرده, فستیوال دایره سیده اوشبو فلم نینگ کورسه تیلگن لیگی و تماشابین لرنینگ فلم نی کوریشی آرتیدن 11 دقیقه تیککه توریشیب فلم نی آلقیشله گن لیکلری معلوم قیلینماقده.
