تورکیه مطبوعاتیدن خلاصه لر 15.05.2023

ستار روزنامه سی, تورکیه ده جمهوررئیسلیک و 28- دور پارلمانی سیلاو لر دایره سیده رای بیریش جریانی نینگ اداققه ییتیشیشی آرتیدن صندوق لرنینگ همه سی گه یقینی نینگ آچیلگن لیگینی بیلدیرماقده. 

خبرده, رسمی بولمه گن نتیجه لر گه کوره, جمهوررئیسلیک کاندید لری دن رجب طیب اردوغان نینگ 49,35, کمال قلیچداراوغلی نینگ 45 و سنان اووان نینگ ایسه 5,22 فایز رای آلگن لیگی معلوم قیلینماقده. 

ینی شفق روزنامه سی, رسمی بولمه گن نتیجه لر گه کوره, تورکیه ده بولیب اوتگن پارلمانی سیلاو لر دایره سیده جمهور اتفاقی نینگ 49,35 فایزلیک رای بیلن کتته موفقیت کسب ایتگن لیگینی یازماقده. 

خبرده, شونده ی قیلیب مذکور اتفاق نینگ 600 کرسی سی بولگن تورکیه پارلمانیده 322 کرسی گه ایگه بولگن لیگی ایسله تیلماقده. 

روزنامه, آلتی حزب دن تشکیل تاپگن ملت اتفاقی نینگ ایسه پارلمان ده 212 کرسی کسب ایتگن لیگی گه دقت قره تماقده. 

صباح روزنامه سی, توناون تورکیه ده بولیب اوتگن جمهوررئیسلیک سیلاویده جمهور اتفاقی نینگ کاندیدی رجب طیب اردوغان نینگ, ملت اتفاقی کاندیدی کمال قلیچداراوغلی دن 5 فایز کوپراق رای آلگن لیگینی بیلدیرماقده. 

خبرده, پارلمانی سیلاولر دایره سیده جمهور اتفاقی نینگ پارلمانده اکثریت نی قولگه کیریتگن لیگی معلوم قیلینماقده. 

روزنامه, اوشبو نتیجه لرنینگ ترقه تیلیشی آرتیدن عدالت و توسعه حزبی و جمهور اتفاقی گه رای بیرگن کیشی لرنینگ کوچه لر گه چیقیشیب خوددی شوو موفقیت نی قیزغین کوتیب آلگن لیکلرینی یازماقده. 

خبرتورک روزنامه سی, جمهوررئیس و عدالت و توسعه حزبی نینگ رهبری رجب طیب اردوغان نینگ, تورکیه ده بولیب اوتگن جمهوررئیسلیک و پارلمانی سیلاو لر بیلن علاقه لی بیرگن بیاناتیده تورکیه نینگ ینه بیر بار دموکراسی امتحانی دن موفقیت بیلن اوتگن لیگینی بیلدیرگن لیگینی ایسلتماقده. 

خبرده, اردوغان نینگ, رسمی بولمه گن نتیجه لر گه کوره, رقیب لری گه قرشی جوده موفق ایکن لیکلرینی بیلدیررایکن, سیلاوگه اشتراک بوییچه رکورد اورنتگن لیگی اوچون وطنداشلر گه منتدارلیک بیلدیرگن لیگی ایسله تیلماقده. 

وطن روزنامه سی, آذربایجان جمهوررئیسی الهام علی اف نینگ, جمهوررئیس اردوغان گه قونغیراق قیلیب سیلاو لرده رای لرنینگ اکثریتی نی قولگه کیریتگن لیگی اوچون تبریک بیلدیرگن لیگینی معلوم قیلماقده. 

خبرده, علی اف نینگ, اردوغان رهبرلیگیده تورکیه نینگ کتته موفقیتلر قولگه کیریتگن لیگی و اونینگ اوچون تورک خلقی نینگ سیلاولرده اردوغان گه ایشانگن لیگینی بیلدیرگن لیگی گه دقت قره تیلماقده. 

روزنامه, اردوغان نینگ هم قیزیقیشی اوچون علی اف گه منتدارلیک بیلدیرگن لیگینی یازماقده.