تورکیه نینگ مطبوعات خلاصه لری

خبرتورک گزیته سی: " استانبول اقتصاد مرکزی آچیلدی " سرلوحه سی بیلن خبر بیره دی.

خبرگه کوره استانبول اقتصاد مرکزی پروژه سی نینگ بانکلر بولیمی آچیلدی. جمهوررئیس رجب طیب اردوغان، مراسمده قیلگن صحبتیده "بو مرکزنینگ اصل قدری، قنچه ستراتیژیک و غایه لی پروژه ایکن لیگی کیلگوسی ییللرده یخشیراق بیلینه دی" دیدی.

ستار گزیته سی: مدافعه وزیری آقر: 12 ته تروریست تاثیرسیز وضعیت گه کیلتیریلدی" سرلوحه سی بیلن خبر بیره دی.

خبرگه کوره ملی مدافعه وزیری خلوصی آقر تیناون کونی ترور تشکیلاتی پی کاکانینگ سوریه نینگ شمالیده 4 حربی یره لنگن هجومی گه کوچلی جواب بیریلگن لیگینی و 12 ته تروریست جنگری نینگ تاثیرسیز وضعیت گه کیلتیریلگن لیگینی بیلدیردی.

حریت گزیته سی: انرژی و طبیعی منبعلر وزیری دونمز: طبیعی گاز نلی آچیلدی، گازنی جونه تیش گه باشله دیک" سرلوحه سی بیلن خبر بیره دی.

خبرگه کوره انرژی و طبیعی منبعلر وزیری فاتح دونمز قاره دینگیز گازی نینگ ییرگه قوروقلیک که چیقریلیشیده کیلینگن سونگگی باسقیچ بیلن تیگیشلی "تیناون کونی کیچه طبیعی گاز قدوقلری نینگ نلینی آچیب عمومی نللرگه گازنی جونه تیش گه باشله دیک. هدفیمیز پنجشنبه کونی قوروقلیک که چیقریش دیر" دیب ایتدی.

صباح گزیته سی: "امریکا قوشمه ایالتلریدن قیزیق ف-16 قراری" سرلوحه سی بیلن خبر بیره دی.

خبرگه کوره امریکا قوشمه ایالتلری تشقی ایشلر وزیرلیگی تورکیه گه موجود ف-16 اوچاقلری نینگ علاقه سیستمی بولمیش لینک-16 تکتیک ترماغی کیتلری نینگ ساتیشی گه رخصت بیرگن لیگینی کنگره گه ییتکیزدی.

وطن گزیته سی: صنایع و تکنالوجی وزیری مصطفی ورنک: ایمه جه نینگ محلیلیگی 90 فایزگه ییتگن وضعیتده " سرلوحه سی بیلن خبر بیره دی.

خبرگه کوره صنایع و تکنالوجی وزیری مصطفی ورنک "ایمه جه ماهواره میزنینگ محلیلیگی 90 فایزگه ییتگن وضعیتده. چونکه بیز ایمه جه نینگ ایچیده گی اسبابلرینی محلی و ملی ایتیب تولید قیلدیک" دیدی.