تورکیه نینگ مطبوعات خلاصه لری

حریت گزیته سی: " اسرائیل قاره لنماقده " سرلوحه سی بیلن خبر بیره دی.

خبرگه کوره اسرائیل حربیلری نینگ یریم کیچه غزه گه هجوم اویوشتیریشی سیاسی تامانیدن قاره لندی. تورکیه مجلس باشلیغی مصطفی شنتوپ اسرائیل نینگ بو انسانی و حقوقی بولمه گن هجومینی قتّیق قاره له یمن" دیدی. جمهور رئیسلیک سوزچیسی ابراهیم قلین هجوم نی لعنتلب "اسرائیل حکومتی کونلردن بیری قصداً دوام ایتیب تورگن خشونت سیاستینی تیزده اداغگه ییتکیزیشی کیره ک دیر" دیب ایتدی. عدالت و ترقیات حزبی باشلیغی اورینباسری نعمان قورتولموش ایسه "قاره لشدن آرتیق ترور دولتی اسرائیل تیزده توخته تیلیشی کیره ک!" دیدی. 

وطن گزیته سی: مدافعه وزیری امریکالیک کسبداشی بیلن سوزلشدی " سرلوحه سی بیلن خبر بیره دی.

خبرگه کوره مدافعه وزیری خلوصی آقر امریکا قوشمه ایالتلری مدافعه وزیری اوید آوستین بیلن تیلفون آرقه لی سوزلشدی. آقر سوزلشووده ییر سیلکینیشی فلاکتی نینگ آرتیدن امریکا قوشمه ایالتلری تامانیدن تامین ایتیب بیریلگن همکارلیک و کورستیلگن بیردملیک طفیلی منتدارچیلیک بیلدیردی. آقر شونده ی بولیب ناتونینگ آچیق ایشیک پولیتیکاسینی هردایم قوللب – قوتله گن لیگینی، فینلندنینگ اعضالیگی نینگ بونی ینه بیر مرته کورستگن لیگینی اینگ قیسقه دمدت ایچیده سویدن نینگ هم تعهدلرینی بجا کیلتیریشینی امید قیلگنینی تاکییدله دی. 

صباح گزیته سی: امینه ایردوغان بو وضعیت گه قره ب قالمه یمیز" سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان نینگ تورموش اورتاغی امینه ایردوغان نینگ حمایه سیده آلیب باریلگن چیقیندیسیز پروژه نینگ حکایه سی کتاب بولدی. کتاب نینگ باش سوزیده امینه ایردوغان نینگ یوقه لیب کیتگن باله لریمیزنینگ، نبیره لریمیزنینگ دنیاسی. هیچ بیریمیز بو وضعیت گه قره ب قالمه یمیز" دیب ایتدی.    

ستار گزیته سی: "تورکیه 2028 و 2032 اروپا فوتبال بیلله شوولری میزبانلیگی گه کاندید" سرلوحه سی بیلن خبر بیره دی.

خبرگه کوره یاشلر و سپورت وزیری محمد محرم قصاب اوغلی تورکیه نینگ 2028 و 2032 اروپا فوتبال بیلله شوولری میزبانلیگی گه کاندیدلیک دوسیه سیگه قول قویدی. کاندیدیلیک دوسیه سی 12 اپریلده تورکیه فوتبال فدراسیونی تامانیدن UEFA گه ییتکیزیب بیریله دی.

یینی شفق گزیته سی: تورکیه نینگ اینگ بویوک حربی کیمه سی تسلیمات گه تیار قیلیندی  " سرلوحه سی بیلن خبر بیره دی.

خبرگه کوره تورکیه نینگ اینگ بویوک حربی کیمه سی TCG اناطولی  دوشنبه کونی دینگیز کوچلری قومندانلیگی گه تسلیم بیریله دی. بو کیمه نینگ اوستی گه جیالشتیریله دیگن انسانسیز هوا واسطه لری بیلن تورک دینگیز کوچلری اوچون جوده مهم بیر کوچ بوله دی.