تورکیه نینگ مطبوعات خلاصه لری

خبرتورک گزیته سی: " ایردوغان سویدن نینگ ناتوگه اعضالیگی حقیده بیانات بیردی " سرلوحه سی بیلن خبر بیره دی.

خبرگه کوره جمهوررئیسی رجب طیب ایردوغان، سویدن نینگ ناتوگه اعضالیگی حقیده "بیز کوتگن بعضی بیر نرسه لر بار. عملی بولمه ی بولمه یدی" دیدی. تورکیه 28 جونده اسپانیانینگ پایتختی مادریدده ناتو جلسه سیده اعضالیک مراجعه سی قیلگن فینلند و سویدن نی رد ایته دی. ترور تشکیلاتلرینی آچیق بیر شکلده قوللب – قوتله گن ایککی اولکه بیلن بیر پروتکول گه قول قویگن انقره بیریلگن وعده لرگه وفا قیلینیشینی کوتماقده.  

وطن گزیته سی: هنگری گه تناپ طبیعی گازی " سرلوحه سی بیلن خبر بیره دی.

خبرگه کوره جمهور رئیس ایردوغان، ترانس اناطولی طبیعی گاز قووری تناپ آرقه لی هنگری گه طبیعی گاز ییتکیزیب بیریلیشی توغریسیده آذربایجان بیلن تورلی همکارلیک که تیار ایکن لیکلرینی تیلگه آلدی.

ستار گزیته سی: آلمان مطبوعاتیده توگ اورین آلدی" سرلوحه سی بیلن خبر بیره دی.

خبرگه کوره تورکیه نینگ اتوموبیلی توگ نینگ T10X مودلی اوچون سفارش حقی قولگه کیریتگن 20 مینگ اصل 20 مینگ احتیاطی رویخط انیقلندی. 20 مینگ کیشی گه 2023 ییلیده موترلری تسلیم بیریله دی. شونده ی بولیب توگ آلمان مطبوعاتیده کینگ اورین آلدی. آلمان فاز گزیته سی تورک تسلاسی توگ گه گاوجوم بار" دیب یازدی.     

صباح گزیته سی: آفت اوی – جایلری تیزده قوریلماقده  " سرلوحه سی بیلن خبر بیره دی.

خبرگه کوره عصرنینگ فلاکتیده ییقیلگن ویا آغیر زیان ییتگن بنالر تیزده قوریلماقده. غازی انتیب نینگ نورتاغی تومنیده 7 قیشلاقده اطرافنی سقلش، شهردارلیک و اقلیم اوزگریشی وزیرلیگی باشقروویده باشله تیلگن اوی – جایلرنینگ ساختمانی نینگ توگه یشی گه کم قالدی. 

یینی شفق گزیته سی: "گلوبال تجارت نینگ ینگی آدرسی" سرلوحه سی بیلن خبر بیره دی.

خبرگه کوره تورکیه – عراق اورته سیده اوتگن هفته قول قوییلگن انقره اعلامیه سی بیلن ثبت بولگن رواجلنیش یولی دنیا تجارت گذرگاهیده ینگی الترناتیف بوله دی. ینگی یول هند اوقیانوسیدن دینگیز یولی آرقه لی بصره کورفزیگه کیلگن ماللرنی تورکیه آرقه لی اورته ییر دینگیزی گه ییتکیزه دی.