تورکیه مطبوعاتیدن خلاصه لر 14.03.2023

وطن روزنامه سی, تورکیه جمهوریتی ایچکی ایشلر وزیرلیگی نینگ, 81 ولایت نینگ والی لیک لریگه "سیلاو تدبیرلری بوییچه رسمی مکتوب" یوبارگن لیگینی بیلدیرماقده. 

خبرده, اوشبو مکتوبده, جمهوررئیسلیک و پارلمانی سیلاو لرنینگ میلادی 2023- ییل 14- می کونی بولیب اوته دیگن لیگی و جمهوررئیسلیک سیلاوی نینگ بیرینچی دورده نتیجه بیرمسلیگی تقدیرده, ایکّینچی دوری نینگ میلادی 2023- ییل 28- می کونی بولیب اوته دیگن لیگی نینگ بیلدیریلگن لیگی معلوم قیلینماقده. 

روزنامه, مکتوبده, سیلاو لرنینگ تینچ بیر شکلده بولیب اوتیشی اوچون آلینه دیگن تدبیر لر نینگ کتته اهمیت گه ایگه ایکن لیگی نینگ بیلدیریلگن لیگینی یازماقده. 

خبرتورک روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, تورکیه و امریکا قوشمه ایالتلری اورته سیده ایکّی تامانلمه حرمت و ایشانچ نینگ موجود ایکن لیگینی بیلدیررایکن, "کانگرس اعضالری نینگ تورکیه گه کیلیشی دن خرسند بوله میز" دییه قید ایتگن لیگی گه دقت قره تماقده. 

خبرده, قلین نینگ, ناتو اعضالیگی اوچون تورکیه نینگ تصدیقی گه ضرورتی بولگن فنلاند بیلن علاقه لی بیرگن بیاناتیده ایسه, کیلگوسی کونلرده یخشی ینگیلیکلر نینگ یوز بیریشی نینگ ممکن ایکن لیگینی بیلدیرگن لیگی ایسله تیلماقده. 

ستار روزنامه سی, بیرلشگن ملتلر تشکیلاتی بشری یاردم کوردیناسیون دفتری ژنیو نماینده سی و کوردیناسیون بولیمی نینگ دایرکتری رامش راژاسینگهام نینگ, تورکیه نینگ بشری مسئله لر بوییچه یاردم لری گه دقت قره تگن لیگینی بیلدیرماقده. 

خبرده, رامش راژاسینگهام نینگ, "ایندی زلرله قیین چیلیگی گه دوچ کیلیب قالگن تورکیه بیلن جدی بیر شکلده همکارلیک قیلیش نینگ وقتی کیلدی" دییه قید ایترایکن, دنیا اولکه لری نی تورکیه گه یاردم بیریش گه چقیرگن لیگی معلوم قیلینماقده. 

حریت روزنامه سی, تورکیه ده ایشلب چیقاریلگن برقی موتر دن عبارت Togg نینگ جاری هفته ده ساتیله باشله یدیگن لیگینی یازماقده. 

خبرده, جاری ییل نینگ سونگّی گه قدر تقریباً 20 مینگ Togg نینگ ایشلب چیقاریله دیگن لیگی بیلدیریلماقده.

صباح روزنامه سی, تورکیه نینگ موغلا ولایتی گه کوپلب توریست نینگ کیله دیگن لیگینی معلوم قیلماقده. 

خبرده, توریزم سکتوری نماینده لری نینگ, اکتوبر آیی نینگ سونگّی گه قدر دالامان هوا قونلغه سی گه 2 میلیون توریست نینگ کیله دیگن لیگینی بیلدیرگن لیگی ایسله تیلماقده. 

روزنامه, اینگ کوپ توریست نینگ انگلستان دن کیلیشی نینگ کوتیلیاتگن لیگی نی یازماقده. 

خبرده, دستلبکی پرواز نینگ 17- مارچ کونی بوله دیگن لیگی معلوم قیلینماقده.