تورکیه مطبوعاتیدن خلاصه لر 13.03.2023

حریت روزنامه سی, ییر قیمیرلش حادثه سیدن تاثیرلنگن منطقه لرنی کوریب چیقیش اوچون توناون تورکیه نینگ هتای ولایتی گه تشریف بویورگن تورکیه جمهوریتی جمهوررئیسی رجب طیب اردوغان نینگ, "برچه اداره لری میز بیلن دستلبکی کوندن بیری ساحه ده میز.  هتای نی هیچ قچان یالغوز تشلب کیتمه یمیز" دییه قید ایتگن لیگی نی بیلدیرماقده. 

خبرده, اردوغان نینگ اوز سوز لرینی, "حاضرگی کون گه قدر زلزله دن تاثیرلنگن منطقه ده 426 مینگ خیمه قوردیک.  2 آی مابینیده 100 مینگ کانتینر اوی نی هم قوریش نی ریجه له ماقده میز" شکلیده دوام ایتدیرگن لیگی بیلدیریلماقده. 

ینی شفق روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, تورکیه ده 6- فبروری کونی یوز بیرگن زلزله لردن تاثیرلنگن کیشیلر اوچون خلق ارا یاردم ایتووچیلر کنفرانسی نینگ بولیب اوته دیگن لیگینی بیلدیررایکن, "اوروپا اتفاقی و حاضرگی دور باشلیغی سویدن نینگ مشترک تشبثی بیلن 20- مارچ کونی اوشبو کنفرانس بولیب اوته دی" دییه قید ایتگن لیگینی معلوم قیلماقده. 

خبرتورک روزنامه سی, 6- فبروری یوز بیرگن و مرکزی تورکیه نینگ قهرمان ماراش ولایتی دن عبارت بولگن زلزله لردن تاثیرلنگن 11 ولایت اوچون چیت ایللردن یاردم کیلیاتگن لیگینی یازماقده. 

خبرده, اوشبو دایره ده پاکستان نینگ زلزله دن تاثیرلنگن کیشی لر اوچون یوبارگن بیر مینگ 200 قیشلیک خیمه نینگ توناون تورکیه نینگ آدانا ولایتی گه ییتیب بارگن لیگی ایسله تیلماقده. 

ستار روزنامه سی, تورکیه جمهوریتی ملی مدافعه وزیری خلوصی آقر نینگ, توناون امریکا قوشمه ایالتلری بیلن اف- 16 توغریسیده گی مذاکره لر حقیده بیرگن بیاناتیده, "کانگرس باسقیچی نی کوتماقده میز. عموماً آلگنده یخشی بیر شرایط موجود.  اوشبو توغریده چاره سیز ایمس لیگی میز و قولیمیزده باشقه امکانیت لرنینگ موجود ایکن لیگینی همه نینگ بیلیشینی ایسته یمیز" دییه قید ایتگن لیگی گه دقت قره تماقده. 

صباح روزنامه سی, آتیشمه چیلیکده قطرده بولیب اوتگن جهان قهرمان لیک مسابقه لریده تورکیه جمهوریتی دن سپورتچی اوغوز خان توزون نینگ, آلتون مدال کسب ایتیش گه موفق بولگن لیگینی بیلدیرماقده.