تورکیه نینگ مطبوعات خلاصه لری

تورکیه نینگ مطبوعات خلاصه لری

وطن گزیته سی: "حلی امید بار" سرلوحه سی بیلن خبر بیردی.

خبرگه کوره عصرنینگ فلاکتی قهرمانمره شده گی ییر قیمیرلشلرنینگ 12 کونیده هاتای نینگ مرکزی تومنی بولمیش اسکندرون نینگ اوداباشی محله سیده بیر بنانینگ کوچکیسیدن 26 یشر محمد علی شاکراوغلی و 34 یشر مصطفی آوچی فلاکتدن 261 ساعت کیین قوتقریب آلیندی.

ستار گزیته سی: جهان علینادن بحث قیلماقده" سرلوحه سی بیلن خبر بیردی.

خبرگه کوره، قهرمانمره شده گی ییر قیمیرلش نینگ 11- کونیده قدیروو قوتقروو گروهی تامانیدن کوچکی آستیدن چیقریب آلینگن 17 یشر علینانینگ ساغلیک وضعیتی قانیقرلی. انگلیس دیلی میل گزیته سی یاش قیزنینگ 248 ساعت کیین کوچکی آستیدن چیقریلیشینی «قیزیق» دیب اته دی.  

خبرتورک گزیته سی: ناتودن همکارلیک سفری" سرلوحه سی بیلن خبر بیردی.

خبرگه کوره تورکیه نی لرزه بیرگن ییر قیمیرلشلرنینگ آرتیدن ناتو باش کاتبی ینس ستولتنبرگ تورکیه گه تشریف بیوردی. تشقی ایشلر وزیری مولود چاووش اوغلی بیلن اوچره شگن ستولتنبرگ "بو اتفاق توپراقلریده یوزبیرگن اینگ بویوک فلاکت» دیب ایتدی. ستولتنبرگ "ناتو متفقلری یاردم بیریش گه دوام ایته دی" دیدی.  

صباح گزیته سی: ناتو کانتینر شهری قوره دی " سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی ناتو باش کاتبی ینس ستولتنبرگ بیلن تشقی ایشلر وزیرلیگیده گی اوچره شووی نینگ آرتیدن اویوشتیریلگن مشترک مطبوعاتی کنفرانسده گپیردی. مرکزی قهرمانمره ش بولمیش ییر قیمیرلش حادثه لری بیلن تیگیشلی چاووش اوغلی ناتو کینگشی نینگ 3 مینگ کیشی نینگ باش پناهی اوچون کانتینر و خیمه جونه تیش قراری آلگن لیگینی بیلدیردی.  

حریت گزیته سی: چاووش اوغلی ناتونینگ کینگه یش طرفداریمیز" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی سویدن و فینلندنینگ ناتوگه اعضالیک جریانی بیلن تیگیشلی ناتونینگ کینگه یش طرفداریمیز، بیراق بو ایککی اولکه نینگ آتیشی کیره ک بولگن آدیملر بار اینیقسه سویدن نینگ دیدی. چاووش اوغلی سویدنده گی قرآن کریم یاقیش تحریکی و بولووچی ترور تشکیلاتی پی کاکا/وای پی جی ایزداشلری نینگ حرکتلریگه اشاره قیلیب "بو هیچ یخشی ایش بولمه دی" دیب ایتدی.