تورکیه نینگ مطبوعات خلاصه لری

یینی شفق گزیته سی: " ایردوغاندن سویدن بیلن تیگیشلی بیانات " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، قرآن کریم نینگ اوتگه بیریلیشی – ییتریلیشی گه رخصت بیرگن سری سویدن نینگ ناتوگه اعضالیگی گه «هه» دیمسلیکلرینی ایتدی. ایردوغان تیناون کونی بیرگن بیاناتده "فینلند موضوعیده یانداشوویمیز اولیملی بیراق سویدن توغریسیده اولیملی ایمس. بونی بیلینگ" دیب گپیردی.    

خبرتورک گزیته سی:" تشقی ایشلر وزیری چاووش اوغلی سویدن و فینلند حقیده بیانات بیردی" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی تیناون کونی بیرگن بیاناتده سویدن و فینلندنینگ ناتوگه اعضالیک جریانی بیلن تیگیشلی "سویدندن انیق ادیم کورمه دیک. تورکیه نینگ خوفسیزلیک قیغولرینی بیلیشلرینی کوته میز." دیگنده فینلندنینگ اعضالیگی بیلن تیگیشلی "ناتو اوچ تامانلیک کیلیشوونی جدا قیلگنده تورکیه فینلندنینگ اعضالیگی گه اولیملی قره یمیز" دیب گپیردی.  

صباح گزیته سی: " مدافعه وزیری آقر: هجوملرگه آنی گه ایککی قوات جواب بیره میز" سرلوحه سی بیلن خبر بیردی.

خبرگه کوره، ملی مدافعه وزیری خلوصی آقر عراق نینگ شمالیده گی اوست منطقه گه هجوم ادعاسی بیلن تیگیشلی "وقت وقتی بیلن هجوملر یوزبیرماقده و بیز ییترلی جوابلرنی هردایم ایککی قوات بیره میز" دیدی.  

ستار گزیته سی: " بلجیم دولت کانالی: اروپالیک رهبرلر موفق بولمه دی جمهور باشلیغی ایردوغان موفق بولدی" سرلوحه سی بیلن خبر بیردی.

خبرگه کوره، بلجیم دولت تلویزوین کانالی RTBF تورکیه تورکیه بیلن علاقه لی بیر خبر نشر قیلدی. خبرده جمهور باشلیغی ایردوغان نینگ اینیقسه خلق ارا مقیاسده مهم توازن حرکتلریگه قول اورگن لیگینی ایتدی. جمهور باشلیغی ایردوغان نینگ ایریم اروپالیک ییتکچیلر قیلالمه گن نی قیلگن لیگینی تاکییدله دی.        

حریت گزیته سی:" انتالیا توریزمیده جنوری آیی ریکوردی " سرلوحه سی بیلن خبر بیردی.

خبرگه کوره تورکیه نینگ توریزم پایتختی انتالیاده 2023 ییلی نینگ ایلک آییده برچه زمانلرنینگ ریکوری اورنه تیلدی. جنوری آییده انتالیاگه هوا یولی آرقه لی کیلگن سیاح سانی اوتگن ییل گه کوره 58 فایز کوپه ییب 291 مینگ 647 کیشی بولدی.