تورکیه نینگ مطبوعات خلاصه لری

خبرتورک گزیته سی:" ایردوغان:  تورکیه عصرینی ملت بیلن بیرگه لیکده قیله میز" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان یاشلرگه تورکیه عصری هدفلریگه آلغه باره دیگن بیر اولکه میراث قویماقچی ایکن لیکلرینی تاکییدله دی. ایردوغان بو هدفنی ملت بیلن قیلیشلرینی ایتدی. ایردوغان "اولکه میزنینگ سیاسی، دیپلوماتیک، حربی کوچینی کوچه یتیره میز. قیلگنلریمیز بیلن کونمه یمیز کوپراق قیله میز" دیب ایتدی.

حریت گزیته سی: " ایردوغان آتن نی کیسکین آگاهلنتیردی" سرلوحه سی بیلن خبر بیردی.

خبرگه کورهجمهور باشلیغی رجب طیب ایردوغان 561 کیلومتردن هدفنی انیق اورگن تایفون راکتی نینگ مصافه سینی 1000 کیلومترگه چیقریلیشی اوچون بویروق بیرگن لیگینی، بونینگ ایسه یونانده قورقووگه سبب بولگن لیگینی بیلدیردی. ایردوغان یوناننی اشاره قیلیب "بیزگه قول اورمه گن گه بیز قول اورمه یمیز" دیدی.       

صباح گزیته سی:" پاکستان ایردوغان نی نوبل تینچلیک ساورینی گه نامزد قیلدی" سرلوحه سی بیلن خبر بیردی.

خبرگه کوره پاکستان سنا باشلیغی محمد صادق سنجرانی ایردوغان نی روسیه – اوکراین اوروشیده گی اورونیشلری طفیلی نوبل تینچی ساورینی گه نامزد قیلگن لیکلرینی بیلدیردی. سنجرانی ایردوغان کوچلی کوره شلری طفیلی بیر اوزی گلوبال فلاکت گه توسیق بولدی" دیب ایتدی.   

یینی شفق گزیته سی: " تورکیه دن مسجد اقصی آگاهلنتیرووی" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی اسرائیل تشقی ایشلر وزیری ایلی کوهن بیلن اوتکزگن تیلفون آرقه لی سوزلشوویده "اسرائیل ملی خوفسزلیک وزیری ایتمار بن گویرنینگ مسجد اقصی گه قره ته تحریکی حرکتی نینگ قبول ایتیلمس" ایکن لیگینی تاکییدله دی.

ستار گزیته سی: " هالندلیک محقق پی کاکا/وای پی جی نی افشا ایتماقده" سرلوحه سی بیلن خبر بیردی.

خبرگه کوره، هالندلیک محقق رینا نیتجیس بولووچی ترور تشکیلاتی پی کاکا/وای پی جی نینگ قرانغو یوزینی افشا ایتگن لیگی اوچون اولیم تهدیدلری آلگن. غرب نینگ ترور تشکیلاتی نینگ قرانغو یوزینی کورماقچی ایمس ایکن لیگی گه دقت تارتگن نیتجیس بونگه قره مه ی پی کاکا/وای پی جی نینگ قرانغو یوزینی افشا ایتیش گه دوام ایته جگینی معلوم قیلدی. هالندلیک محقق، سوریه نینگ شمالیده تورکیه نینگ گنترولیده گی منطقه لرنینگ اینگ خوفسیز ساحه ایکن لیگینی تاکییدله دی.