تورکیه مطبوعاتیدن خلاصه لر 03.01.2023

صباح روزنامه سی, تورکیه جمهوریتی جمهوررئیسی رجب طیب اردوغان, بیرگن بیاناتیده, "خلق ارا مقیاسده گی منفی ینگی لیک لر گه قره مسدن آلدینگی ییل بیلن سالیشتیریلگنده میلادی 2022 – ییلده صادراتی میز 12,9 فایز گه آشیب 254,2 میلیارد دالر گه ییتدی" دییه قید ایتگن لیگی نی یازماقده. 

حریت روزنامه سی, میلادی 2023- ییل نینگ دستلبکی کون لری ده هم جهان اولکه لری نینگ تورکیه حقیده بحث ایتیاتگن لیگی نی بیلدیرماقده. 

خبرده, ینگی ییلده کوزه تیلیشی کیره ک بولگن ینگی لیک لر حقیده معلومات بیرگن Foreign Policy نینگ جمهوررئیس اردوغان باره سیده بیر خبر ترقه تگن لیگی ایسله تیلماقده. 

روزنامه, تورکیه ده سیلاو موضوعی گه کینگ اورین اجره تیلگن خبرده, "اردوغان, میلادی 2002- ییلده گی سیلاوده غلبه قازاندی, 2003- ییلده باش وزیر بولدی و اوشه پیتدن بیری انقره نینگ مهم سیاستچی سی" دییه قید ایتیلگن لیگی گه دقت قره تماقده. 

ینی شفق روزنامه سی, اوتگن ییلده دنیا ده سرمایه گذارلرگه اینگ کوپ بورس استانبول نینگ قازانتیرگن لیگی نی معلوم قیلماقده. 

ستار روزنامه سی, میلادی 2022- ییلده تورکیه نینگ انتالیا ولایتی گه اوچاق بیلن 13 میلیون دن آرتیق سیاح نینگ کیلگن لیگی نی بیلدیرماقده. 

خبرده, میلادی 2023- ییل نینگ ایلک کونیده 64 اوچاق بیلن 9 مینگ 27 نفر توریست نینگ کیلگن لیگی ایسله تیلماقده. 

روزنامه, انتالیا گه میلادی 2022- ییلده اینگ کوپ آلمان لیک توریست نینگ کیلگن لیگی و جاری ییل نینگ ایلک کونیده ایسه اینگ کوپ روسیه لیک سیاح نینگ کیلگن لیگی نی معلوم قیلماقده. 

وطن روزنامه سی, اوروپا سیر و سفر خوفسیزلیگی تشکیلاتی نینگ میلادی 2022- ییلی راپوری گه کوره استانبول هوا قونلغه سی نینگ کونده لیک اورته چه بیر مینگ 156 پرواز بیلن اوروپا نینگ اینگ مزدحم هوا قونلغه سی بولگن لیگی نی یازماقده.