تورکیه مطبوعاتیدن خلاصه لر 13.12.2022

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, قیلگن معروضه سیده, "پطرول بیلن علاقه لی فرقلی ولایت لردن یخشی خبر لر کیلماقده.  تورکیه ده پطرول ایشلب چیقاریش حجمی نی کیلگوسی ییلدن باشلب کونده لیک 100 مینگ بیرل گه آرتیریش نی هدف قیلیب آلماقده میز" دییه قید ایتگن لیگی نی بیلدیرماقده. 

حریت روزنامه سی, تورکیه جمهوریتی ملی مدافعه وزیری خلوصی آقر نینگ بیرگن بیاناتیده, "یونان عقل, منطق و حقوققه سیغمه یدیگن طلب و ادعا لر بیلن دواملی روشده تحریک ایتووچی فعالیت لر و سوز لر آرقه لی بحران نی آرتیریش اوچون برچه تشبث لر نی قیلماقده.  هیچ بیر نرسه گه قرشی سیس سیز بولیب قالیشی میز ممکن ایمس.  کیله جگی نینگ یخشی بولیشی نی خواهلیاتگن لر, اوتمیش و بوگونی نینگ ینگلیش لیک لری دن قیتیشی کیره ک" دییه قید ایتگن لیگی نی یازماقده. 

ستار روزنامه سی, خلق ارا جامعه نینگ میلادی 2023- ییلده آسمان ده بوله دیگن تورکیه نینگ ملی محارب اوچاغی, قیزیل المه, حُر جت و گوکسونگور حقیده بحث ایتیاتگن لیگی نی معلوم قیلماقده. 

خبرده, امریکا قوشمه ایالتلری نینگ فوربیس مجله سی نینگ, "منه تورکیه نینگ 2023- ییلده ایلک پروازی نی پلانله گن حربی اوچاق لری" عنوانی گه ایگه تحلیلی مقاله سی بیلن تورکیه نینگ جت لری و اوچووچیسیز اوچاق لری گه دقت قره تگن لیگی بیلدیریلماقده. 

صباح روزنامه سی, تورکیه جمهوریتی ترانسپورت و زیربنا وزیری عادل قاره اسماعیل اوغلی نینگ, 318 مترلیک برج لر نینگ اوستی گه اورنه تیلگن 16 مترلیک معماری مقصدلی توپ مرمی لری بیلن 1915 چنق قلعه کوپریگی نینگ دنیا نینگ اینگ یوکسک برج لری گه ایگه آسمه کوپریک اوله راق تاریخ صفحه لری گه ثبت قیلینگن لیگی نی بیلدیرگن لیگی نی ایسلتماقده.