تورکیه نینگ مطبوعات خلاصه لری

وطن گزیته سی: " ایردوغان: انسانلیک که خذمت قیلیش اوچون اورونیشلریمیزگه قرارلی بیر شکلده دوام ایته میز" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، استانبولده 8- تورک طب عالمی کنگره سیده قیلگن صحبتیده، روسیه نینگ حبوبات کیلیشوونی توخته تیشی بیلن تیگیشلی "بیز استانبولده قوریلیشینی تامین ایتگن مشترک میکانیزم بیلن اوکراین بوغدایی نینگ 9.3 میلیون تن نی انسانلیک خذمتی گه تقدیم ایتیب آذیق – اوقات بحرانی نینگ کمه یشینی تامین ایتدیک. روسیه اوزیگه بو توغریده همکارلیک کورستیلمه گن لیگی طفیلی تردید لی یانداشگن حالده بیز انسانلیک که خذمت قیلیش اوچون اورونیشلریمیزگه قرارلی بیر شکلده دوام ایته میز" دیدی.  

یینی شفق گزیته سی:" آقر شویگو بیلن حبوبات انتقالی بوییچه صحبت قیلدی" سرلوحه سی بیلن خبر بیردی.

خبرگه کوره ملی مدافعه وزیری خلوصی آقر، روسیه مدافعه وزیری سرگی شویگو بیلن تیلفون آرقه لی حبوبات کوریدوری بوییچه سوزلشدی. آقر، حبوبات انتقالی نینگ توخته تیب قوییش قراری نینگ قیته دن تیکیریلیشینی کوتگن لیکلرینی تیلگه آلگن.

ستار گزیته سی:" امره یف: جمهور باشلیغی ایردوغان آلیب بارگن رهبرلیک بیلن تورک دنیاسینی هم بیرلشتیریش گه موفق بولدی" سرلوحه سی بیلن خبر بیردی.

خبرگه کوره تورک دولتلر تشکیلاتی باش کاتبی بغداد امره یف "سونگگی 20 ییلده تورکیه نی دنیاگه تنیتگن، نه فقط اوز منطقه سیده عین دمده دنیاده سوز صاحبی قیلگن جمهور باشلیغی رجب طیب ایردوغان، آلیب بارگن رهبرلیک بیلن تورک دنیاسینی هم بیرلشتیریش گه موفق بولدی، دیدی.

خبرتورک گزیته سی: " کوجه: ساغلیک بوییچه گلوبال یولدوز ایکن لیگیمیزنی «هیلت تورکیه» آرقه لی دنیاگه اعلان قیله میز" سرلوحه سی بیلن خبر بیردی.

خبرگه کوره، ساغلیک نی سقلش وزیری فخرالدین کوجه، "کوچلی دولتی و نادولت ساغلیک تاسیسلریمیز بیلن، استعدادلی ساغلیک انسانی کوچیمیز بیلن، یوکسک تکنالوجیک آست قوریشیمیز و کیفیتلی خذمتیمیز بیلن ساغلیک بوییچه گلوبال یولدوز ایکن لیگیمیزنی هیلت تورکیه آرقه لی دنیاگه اعلان قیله میز" دیب ایتدی.   

حریت گزیته سی: "توریستیک شرق ایکسپریس سفرلری باشله یدی" سرلوحه سی بیلن خبر بیردی.

خبرگه کوره، مدنیت و توریزم وزیری محمد نوری ایرسوی، توریستیک شرق ایکسپریس سفرلری نینگ دسامبر آییده قیته دن باشلشینی بیلدیردی.