تورکیه نینگ مطبوعات خلاصه لری

حریت گزیته سی: " جمهور باشلیغی ایردوغان پاکستان باش وزیری شریف بیلن تیلفون آرقه لی سوزلشدی" سرلوحه سی بیلن خبر بیردی.

خبرگه کوره جمهور باشلیغی ایردوغان پاکستان باش وزیری شهباز شریف بیلن تیلفون آرقه لی سوزلشدی. سوزلشووده ایردوغان، پاکستان نینگ سیل فلاکتی گه قرشی کوره شینی یقیندن تعقیب ایتیب تورگن لیکلرینی کیره ک بولگن یاردم نی ییتکیزیب بیریش اوچون تورکیه اوله راق سفربر بولگن لیکلرینی ایتدی. ایردوغان، پاکستان نینگ یاره لری گه مرحم بولیش اوچون قوللریدن کیلگن نی قیلیش گه دوام ایته جکلرینی تیلگه آلدی. 

صباح گزیته سی: "میچوتاکیس، بیر امید بیلن ایردوغان نینگ یولینی کوتیب تورگن"  سرلوحه سی بیلن خبر بیردی.

خبرگه کوره، بوزجه آدا دینگیز ساحه سیده کیمه گه اوزیلگن اوق و ناتو دایره سیده وظیفه اجرا ایتگن تورک ف-16 لریگه رادار تعقیبی نینگ آرتیدن تورکیه بیلن یونان اورته سیده گی بحران تیرمه لنیب باردی. اوتگن کونی بیرگن بیاناتلرده بحراننی ترمه له گن یونان باش وزیری کیریاکوس میچوتاکیس تیزلیک بیلن گپیدن قیتدی. میچوتاکیس جمهور باشلیغی رجب طیب ایردوغان بیلن اوچره شیش گه تیار ایکن لیگینی تیلگه آلدی.

وطن گزیته سی:" قاره دینگیز گازیدن یقین پیتده اوی – جایلرده ایش آلینه دی" سرلوحه سی بیلن خبر بیردی.

خبرگه کوره انرژی و طبیعی منبعلر وزیری فاتح دونمز قاره دینگیزده 540 میلیارد متر مکعب لیک گازنی 2023 ییلی نینگ ایلک چاره گیده اوی – جایلرگه ییتکیزیب بیریش نی مقصد قیلیب آلگن لیکلرینی معلوم قیلیب شو وقت هم دینگیزده همده ییرده قیدیروو عملیاتلری بی ملال دوام ایتماقده. انشالله کیلگوسی ییل تورکیه قاره دینگیز گازی گه ییتیب باره دی، دیدی. دونمز کشف نینگ آتشینی قاره دینگیزده یاقیش گه تیار ایکن لیکلرینی تیلگه آلدی.     

ستار گزیته سی: "تاجکستان تورکیه نینگ تجربه سیدن فایده لنماقچی" سرلوحه سی بیلن خبر بیردی.

خبرگه کوره، تاجکستان صنایع و ینگی تکنالوجیلر وزیری شیرعلی کبیر، تورکیه بیلن سرمایه کیریتیشلرنی "قازانیش – قازانیش" آرقه لی ایش آلیب بارماقچی ایکن لیکلرینی معلوم قیلیب، اولکه سیده گی فرصتلرنینگ تورک شرکتلری اوچون آچیق ایکن لیگینی قید ایتدی. کبیر اقتصادی ساحه قاله ویرسه انچه ساحه ده تورکیه نینگ تجربه سیدن فایده لنماقچی میز" دیدی. 

خبرتورک گزیته سی: " قرالیچه ایلیزابت نینگ جنازه سی اوچون تورکیه دن 1،5 میلیون غنچه گل "  سرلوحه سی بیلن خبر بیردی.

خبرگه کوره انگلستان قرالیچه سی ایلیزابت نینگ یاس و جنازه پروگرامیده ایش آلیش اوچون انتالیا و اسپارته دن گل طلبی 90 فایز کوپه یدی. جنازه اوچون کمیده 1،5 میلیون غنچه گل انتقالی باشلندی. گل سکتوریده کونده لیک ایش ساعتی و ایشچی سانی کوپه یدی.